Fótbolti

Jón Dagur kominn á blað í Belgíu

Arnar Geir Halldórsson skrifar
Jón Dagur Þorsteinsson
Jón Dagur Þorsteinsson vísir/Getty

Jón Dagur Þorsteinsson stimplaði sig inn í belgísku úrvalsdeildina í fótbolta í dag þegar hann gerði sitt fyrsta mark fyrir OH Leuven.

Jón Dagur gekk nýverið í raðir Leuven frá AGF í Danmörku og hann var í byrjunarliðinu í dag þegar liðið fékk Westerlo í heimsókn.

Hann náði forystunni fyrir Leuven eftir þrettán mínútna leik en var svo skipt útaf eftir rúmlega klukkutíma leik. Þá var staðan enn 1-0 fyrir Leuven.

Áður en yfir lauk bætti Leuven við marki og unnu 2-0 sigur.

Leuven er með fullt hús stiga eftir fyrstu tvær umferðirnar og markatöluna 4-0 en Jón Dagur hefur byrjað báða leikina.

Mest lesið


Fleiri fréttir

Sjá meira


×

Mest lesið