Körfubolti

Njarðvíkingar semja við Argentínumann í körfunni

Óskar Ófeigur Jónsson skrifar
Lisandro Rasio þekkir það að spila í grænu en hér er hann í leik með Ferro í argentínsku deildinni fyrir nokkrum árum.
Lisandro Rasio þekkir það að spila í grænu en hér er hann í leik með Ferro í argentínsku deildinni fyrir nokkrum árum. Getty/Gabriel Rossi

Deildarmeistarar Njarðvíkur hafa gengið frá samningi við nýjan leikmann fyrir komandi tímabil í Subway deild karla í körfubolta.

Nýi leikmaðurinn í Njarðvík heitir Lisandro Rasio og er 31 árs gamall Argentínumaður. Njarðvíkingar segja frá þessu á heimasíðu sinni.

Rasio er 198 sentímetrar á hæð, 100 kíló á þyngd og spilar sem framherji. Hann heldur upp á 32 ára afmælið sitt daginn fyrir Gamlársdag en Njarðvík gæti mætt Keflavík á þeim degi.

Hann hefur lengst af ferlinum spilað í heimalandinu eða öðrum deildum í Suður Ameríku eins og Bólivíu, Síle, Úrúgvæ og Venesúela.

Á síðustu leiktíð lék Lisandro hins vegar með liði Montecatini Terme í ítölsku fjórðu deildinni þar sem hann var valinn leikmaður ársins í Tosccana riðlinum (seria C).

Lisandro ætti að mæta í Ljónagryfjuna í góðu leikformi því hann er að spila í sumar í Venesúela og kemur til landsins um miðjan september.




Fleiri fréttir

Sjá meira


×