Erlent

Baráttufólk dæmt til dauða í Mjanmar

Gunnar Reynir Valþórsson skrifar
Hinn 41 árs gamli Pho Zeya Thaw, fyrrverandi lögfræðingur og ráðgjafi Aung San Suu Kyi var á meðal þeirra sem voru dæmdir til dauða.
Hinn 41 árs gamli Pho Zeya Thaw, fyrrverandi lögfræðingur og ráðgjafi Aung San Suu Kyi var á meðal þeirra sem voru dæmdir til dauða. AP

Herforingjastjórnin í Mjanmar hefur tekið fjóra baráttumenn fyrir auknu lýðræði af lífi en dauðarefsingum hefur ekki verið beitt í landinu í rúma fjóra áratugi, opinberlega í það minnsta. Þeir dauðadæmdu voru fyrrverandi þingmaður, rithöfundur og tveir aðgerðasinnar.

Mennirnir voru allir sakaðir um hryðjuverk gegn valdstjórninni og sumir þeirra voru nánir samstarfsmenn Aung San Suu Kyi fyrrverandi leiðtoga landsins. Mennirnir voru dæmdir á bak við luktar dyr í janúar síðastliðnum og tilraunir til áfrýjunar báru engan árangur. 

Dauðadómarnir hafa vakið mikla reiði víða og segir framkvæmdastjóri Sameinuðu þjóðanna, Antonio Guterres að þeir séu klárt mannréttindabrot. 

Eftir að herforingjastjórnin tók sér algert vald í landinu á síðasta ári hafa þeir hert tökin verulega og berja nú allt andóf niður með grimmilegum hætti. Aung San Suu Kyi hefur sjálf verið í stofufangelsi og kærð fyrir margvísleg brot svo hún á yfir höfði sér áratuga fangelsi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.