Helgi segir sér þyki vænt um samkynhneigða og hafi aldrei haft neitt á móti þeim Hallgerður Kolbrún E. Jónsdóttir skrifar 22. júlí 2022 11:50 Helgi Magnús Gunnarsson vararíkissaksóknari segist skilja að gúrkutíð sé í fjölmiðlum en ummæli hans séu ekkert tilefni til fréttaflutnings. Vísir/Vilhelm Helgi Magnús Gunnarsson vararíkissaksóknari segir að sér þyki vænt um samkynhneigða og hann hafi aldrei haft neitt á móti þeim. Það megi þó ekki gera ráð fyrir að hælisleitendur, sem segist samkynhneigðir, segi satt til um það. Formaður Samtakanna 78 segir ummæli Helga skýrt merki um að fordómar séu til staðar innan kerfisins. Helgi Þorsteinsson Silva lögmaður sagði í viðtali í kvöldfréttum Stöðvar 2 í gær að stjórnvöld hafi sakað skjólstæðing hans um að ljúga til um kynhneigð sína og hafnað honum hæli. Að hans mati virtust stjórnvöld ætíð ganga út frá því að hælisleitendur sem sæki um alþjóðlega vernd á grundvelli kynhneigðar séu að ljúga. Helgi Magnús vararíkissaksóknari deildi fréttinni á Facebook-síðu sinni í gærkvöldi og skrifaði með deilingunni að auðvitað ljúgi hælisleitendur. Flestir komi hingað í von um meiri pening og betra líf. Hann bætti þá við þeirri spurningu hvort einhver skortur væri á hommum á Íslandi. Skjáskot af færslunni má sjá hér að neðan. Skjáskot af Facebook færslu Helga. „Ég veit ekki til þess að það sé skortur eða ofgnótt af hvorki rauðhærðum, né hommum né karlmönnum eða konum. Svona er nú bara fólk og við tökum þeim í samfélaginu eins og það kemur,“ segir Álfur Birkir Bjarnason formaður Samtakanna 78. Ummælin segi meira til um innræti vararíkissaksóknara en hælisleitenda. „Þetta bara staðfestir það sem við höfum fundið á eigin skinni, að það eru vissulega fordómar innan kerfisins og kerfislægir fordómar gagnvart bæði hinsegin fólki, innflytjendum og öðrum minnihlutahópum eru alveg greinilegir innan kerfisins. Þetta er enn ein staðfesting á því fyrir okkur sem lifum og hrærumst í að skoða það,“ segir Álfur. Spyr hvort kynhneigð réttlæti að fólk fái hæli umfram aðra Helgi Magnús segir í samtali við fréttastofu að hvorki sé óeðlilegt að menn ljúgi til um kynhneigð sína né að yfirvöld rannsaki það. Hann hafi þá ekki verið að tjá sig um málið sem fjallaði um í fréttinni sérstaklega, heldur almennt. Hann velti því jafnframt upp hvort kynhneigð fólks réttlætti það að það fengi hæli umfram aðra. Álfur Birkir Bjarnason, formaður Samtakanna 78.Vísir „Það er nú augljóst að þetta er skrifað inn í tíðarandann í dag og þá sem viðbragð við þessu. En eins og þessi dómur lítur út fyrir mér eins og ég skil hann þá er hann í rauninni ákveðinn áfellisdómur á að slíkar rannsóknir, ef það á að framkvæma þær, hafi ekki verið fullnægjandi og séu mjög hlutdrægar nú þegar. Þær hafa alltaf verið mjög erfiðar fyrir fólk sem kemur hingað og leitar hælis á Íslandi,“ segir Álfur. Skilur að gúrkutíð sé í fréttum en málið sé ekki fréttaefni Aðspurður hvort Helga þætti of mikið um homma á Íslandi, vegna ummæla hans um hvort ekki sé nóg af hommum á landinu, sagði Helgi síður en svo. Honum þætti mjög vænt um samkynhneigða og hefði aldrei haft neitt á móti þeim. Hann vildi þó ekki koma í viðtal vegna málsins, ekki væri tilefni til þess. Hann sagðist skilja vel að gúrkutíð væri í fjölmiðlum en ummæli hans gætu þó varla talist frétt. Álfur segir gott að heyra að Helgi Magnús hafi ekkert á móti samkynhneigðum en segir tíma til kominn að sjá það í verki. „Það er nú bara gott að heyra. Ég óska honum bara góðs gengis með það en það væri gott að fara að sjá það í verki þá. Sem armur kerfisins er ábyrgð hans mjög mikil í því að sýna ekki bara „ekki fjandsamlegheit“ heldur bókstaflega væntumþykju sem hluti kerfisins,“ segir Álfur. Þetta er ekki fyrsta sinn sem Helgi hefur verið gagnrýndur fyrir framgöngu hans á samfélagsmiðlum. Áslaug Arna Sigurbjörnsdóttir gagnrýndi hann harðlega þegar hún var dómsmálaráðherra. Helgi hafði þá líkað við og deilt Facebook-færslu hæstaréttarlögmannsins Sigurðar G. Guðjónssonar þar sem hann birti brot úr skýrslutöku lögreglu af Þórhildi Gyðu Arnardóttur, þolanda í ofbeldismáli. Fréttastofa náði ekki tali af Sigríði Friðjónsdóttur ríkissaksóknara við gerð fréttarinnar. Hinsegin Dómsmál Hælisleitendur Tengdar fréttir Vararíkissaksóknari segir hinsegin hælisleitendur „auðvitað“ ljúga Helgi Magnús Gunnarsson vararíkissaksóknari tjáir sig á Facebook um frétt af máli hinsegin hælisleitenda á Íslandi. Hann spyr hvort það sé „einhver skortur á hommum á Íslandi.“ 21. júlí 2022 22:41 Hafi kembt samfélagsmiðla í marga klukkutíma til að afsanna að maðurinn væri samkynhneigður Stjórnvöld virðast ætíð ganga út frá því að hælisleitendur sem sækja um alþjóðlega vernd á grundvelli kynhneigðar séu að ljúga, að mati lögmanns. Nýfallinn dómur í máli hælisleitanda slái á fingur stjórnvalda í þessum efnum - og annað sambærilegt mál gæti verið á leið fyrir dóm. 21. júlí 2022 19:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Berst gegn kvíaeldi á jörð sem hann telur sína Innlent Óttast mikinn skaða sem seint yrði fyrirgefinn Innlent Segja baráttuna bara rétt að hefjast Innlent Undirbúa stærðarinnar sendingar til Úkraínu Erlent Steinunn Ólína skýtur föstum skotum á Katrínu Innlent Íbúar sváfu vært meðan á öllu gekk á jarðhæðinni Innlent Rafmagnslaust á Blönduósi Innlent Katrín og Baldur takast enn á um forystuna Innlent Katrín, Halla og Steinunn Ólína mætast í Pallborðinu Innlent Úrskurðaður í vikulangt gæsluvarðhald á Akureyri Innlent Fleiri fréttir Rafmagnslaust á Blönduósi Segja baráttuna bara rétt að hefjast Berst gegn kvíaeldi á jörð sem hann telur sína Óttast mikinn skaða sem seint yrði fyrirgefinn Úrskurðaður í vikulangt gæsluvarðhald á Akureyri Mikilvægt skref en megi gera betur Katrín og Baldur takast enn á um forystuna Fjögurra milljarða króna tekjur á ári af spilakössum Katrín, Halla og Steinunn Ólína mætast í Pallborðinu á morgun Bæjarstjórn fundaði með Þórkötlu Morðrannsókn á Akureyri og sundgestir í uppnámi Vonast til að afgreiða hvalveiðileyfi eins hratt og mögulegt er Tveimur sleppt úr haldi á Suðurlandi Átta hundrað milljóna afgangur í Hafnarfirði Halla telur langt í að fólk sé búið að ákveða sig Sjö sóttu um embætti skólameistara Íbúar sváfu vært meðan á öllu gekk á jarðhæðinni Ásdís Rán búin að safna undirskriftum Kristrún segir ríkisstjórnina vilja gefa auðlindir þjóðarinnar Þjófnaðurinn áfall fyrir reynslumikla öryggisverði Voru að byggja annan bústað Skerjafjarðarskáldið segir Höllu Hrund eina með öllu Steinunn Ólína skýtur föstum skotum á Katrínu Stefnir í spennandi forsetakosningar Grunur um manndráp á Akureyri Þarf að borga fyrir tunnur sem hann hvorki vildi né fékk Viðamiklar breytingar gerðar á örorkulífeyriskerfinu Enginn í 9. bekk skildi setninguna „hjartað dælir blóði“ Grátbiðja borgarstjórana um að bjarga „einstæðu listaverki Guðjóns“ Braust inn í tölvu með lítilli fyrirhöfn og óvæntum afleiðingum Sjá meira
Helgi Þorsteinsson Silva lögmaður sagði í viðtali í kvöldfréttum Stöðvar 2 í gær að stjórnvöld hafi sakað skjólstæðing hans um að ljúga til um kynhneigð sína og hafnað honum hæli. Að hans mati virtust stjórnvöld ætíð ganga út frá því að hælisleitendur sem sæki um alþjóðlega vernd á grundvelli kynhneigðar séu að ljúga. Helgi Magnús vararíkissaksóknari deildi fréttinni á Facebook-síðu sinni í gærkvöldi og skrifaði með deilingunni að auðvitað ljúgi hælisleitendur. Flestir komi hingað í von um meiri pening og betra líf. Hann bætti þá við þeirri spurningu hvort einhver skortur væri á hommum á Íslandi. Skjáskot af færslunni má sjá hér að neðan. Skjáskot af Facebook færslu Helga. „Ég veit ekki til þess að það sé skortur eða ofgnótt af hvorki rauðhærðum, né hommum né karlmönnum eða konum. Svona er nú bara fólk og við tökum þeim í samfélaginu eins og það kemur,“ segir Álfur Birkir Bjarnason formaður Samtakanna 78. Ummælin segi meira til um innræti vararíkissaksóknara en hælisleitenda. „Þetta bara staðfestir það sem við höfum fundið á eigin skinni, að það eru vissulega fordómar innan kerfisins og kerfislægir fordómar gagnvart bæði hinsegin fólki, innflytjendum og öðrum minnihlutahópum eru alveg greinilegir innan kerfisins. Þetta er enn ein staðfesting á því fyrir okkur sem lifum og hrærumst í að skoða það,“ segir Álfur. Spyr hvort kynhneigð réttlæti að fólk fái hæli umfram aðra Helgi Magnús segir í samtali við fréttastofu að hvorki sé óeðlilegt að menn ljúgi til um kynhneigð sína né að yfirvöld rannsaki það. Hann hafi þá ekki verið að tjá sig um málið sem fjallaði um í fréttinni sérstaklega, heldur almennt. Hann velti því jafnframt upp hvort kynhneigð fólks réttlætti það að það fengi hæli umfram aðra. Álfur Birkir Bjarnason, formaður Samtakanna 78.Vísir „Það er nú augljóst að þetta er skrifað inn í tíðarandann í dag og þá sem viðbragð við þessu. En eins og þessi dómur lítur út fyrir mér eins og ég skil hann þá er hann í rauninni ákveðinn áfellisdómur á að slíkar rannsóknir, ef það á að framkvæma þær, hafi ekki verið fullnægjandi og séu mjög hlutdrægar nú þegar. Þær hafa alltaf verið mjög erfiðar fyrir fólk sem kemur hingað og leitar hælis á Íslandi,“ segir Álfur. Skilur að gúrkutíð sé í fréttum en málið sé ekki fréttaefni Aðspurður hvort Helga þætti of mikið um homma á Íslandi, vegna ummæla hans um hvort ekki sé nóg af hommum á landinu, sagði Helgi síður en svo. Honum þætti mjög vænt um samkynhneigða og hefði aldrei haft neitt á móti þeim. Hann vildi þó ekki koma í viðtal vegna málsins, ekki væri tilefni til þess. Hann sagðist skilja vel að gúrkutíð væri í fjölmiðlum en ummæli hans gætu þó varla talist frétt. Álfur segir gott að heyra að Helgi Magnús hafi ekkert á móti samkynhneigðum en segir tíma til kominn að sjá það í verki. „Það er nú bara gott að heyra. Ég óska honum bara góðs gengis með það en það væri gott að fara að sjá það í verki þá. Sem armur kerfisins er ábyrgð hans mjög mikil í því að sýna ekki bara „ekki fjandsamlegheit“ heldur bókstaflega væntumþykju sem hluti kerfisins,“ segir Álfur. Þetta er ekki fyrsta sinn sem Helgi hefur verið gagnrýndur fyrir framgöngu hans á samfélagsmiðlum. Áslaug Arna Sigurbjörnsdóttir gagnrýndi hann harðlega þegar hún var dómsmálaráðherra. Helgi hafði þá líkað við og deilt Facebook-færslu hæstaréttarlögmannsins Sigurðar G. Guðjónssonar þar sem hann birti brot úr skýrslutöku lögreglu af Þórhildi Gyðu Arnardóttur, þolanda í ofbeldismáli. Fréttastofa náði ekki tali af Sigríði Friðjónsdóttur ríkissaksóknara við gerð fréttarinnar.
Hinsegin Dómsmál Hælisleitendur Tengdar fréttir Vararíkissaksóknari segir hinsegin hælisleitendur „auðvitað“ ljúga Helgi Magnús Gunnarsson vararíkissaksóknari tjáir sig á Facebook um frétt af máli hinsegin hælisleitenda á Íslandi. Hann spyr hvort það sé „einhver skortur á hommum á Íslandi.“ 21. júlí 2022 22:41 Hafi kembt samfélagsmiðla í marga klukkutíma til að afsanna að maðurinn væri samkynhneigður Stjórnvöld virðast ætíð ganga út frá því að hælisleitendur sem sækja um alþjóðlega vernd á grundvelli kynhneigðar séu að ljúga, að mati lögmanns. Nýfallinn dómur í máli hælisleitanda slái á fingur stjórnvalda í þessum efnum - og annað sambærilegt mál gæti verið á leið fyrir dóm. 21. júlí 2022 19:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Berst gegn kvíaeldi á jörð sem hann telur sína Innlent Óttast mikinn skaða sem seint yrði fyrirgefinn Innlent Segja baráttuna bara rétt að hefjast Innlent Undirbúa stærðarinnar sendingar til Úkraínu Erlent Steinunn Ólína skýtur föstum skotum á Katrínu Innlent Íbúar sváfu vært meðan á öllu gekk á jarðhæðinni Innlent Rafmagnslaust á Blönduósi Innlent Katrín og Baldur takast enn á um forystuna Innlent Katrín, Halla og Steinunn Ólína mætast í Pallborðinu Innlent Úrskurðaður í vikulangt gæsluvarðhald á Akureyri Innlent Fleiri fréttir Rafmagnslaust á Blönduósi Segja baráttuna bara rétt að hefjast Berst gegn kvíaeldi á jörð sem hann telur sína Óttast mikinn skaða sem seint yrði fyrirgefinn Úrskurðaður í vikulangt gæsluvarðhald á Akureyri Mikilvægt skref en megi gera betur Katrín og Baldur takast enn á um forystuna Fjögurra milljarða króna tekjur á ári af spilakössum Katrín, Halla og Steinunn Ólína mætast í Pallborðinu á morgun Bæjarstjórn fundaði með Þórkötlu Morðrannsókn á Akureyri og sundgestir í uppnámi Vonast til að afgreiða hvalveiðileyfi eins hratt og mögulegt er Tveimur sleppt úr haldi á Suðurlandi Átta hundrað milljóna afgangur í Hafnarfirði Halla telur langt í að fólk sé búið að ákveða sig Sjö sóttu um embætti skólameistara Íbúar sváfu vært meðan á öllu gekk á jarðhæðinni Ásdís Rán búin að safna undirskriftum Kristrún segir ríkisstjórnina vilja gefa auðlindir þjóðarinnar Þjófnaðurinn áfall fyrir reynslumikla öryggisverði Voru að byggja annan bústað Skerjafjarðarskáldið segir Höllu Hrund eina með öllu Steinunn Ólína skýtur föstum skotum á Katrínu Stefnir í spennandi forsetakosningar Grunur um manndráp á Akureyri Þarf að borga fyrir tunnur sem hann hvorki vildi né fékk Viðamiklar breytingar gerðar á örorkulífeyriskerfinu Enginn í 9. bekk skildi setninguna „hjartað dælir blóði“ Grátbiðja borgarstjórana um að bjarga „einstæðu listaverki Guðjóns“ Braust inn í tölvu með lítilli fyrirhöfn og óvæntum afleiðingum Sjá meira
Vararíkissaksóknari segir hinsegin hælisleitendur „auðvitað“ ljúga Helgi Magnús Gunnarsson vararíkissaksóknari tjáir sig á Facebook um frétt af máli hinsegin hælisleitenda á Íslandi. Hann spyr hvort það sé „einhver skortur á hommum á Íslandi.“ 21. júlí 2022 22:41
Hafi kembt samfélagsmiðla í marga klukkutíma til að afsanna að maðurinn væri samkynhneigður Stjórnvöld virðast ætíð ganga út frá því að hælisleitendur sem sækja um alþjóðlega vernd á grundvelli kynhneigðar séu að ljúga, að mati lögmanns. Nýfallinn dómur í máli hælisleitanda slái á fingur stjórnvalda í þessum efnum - og annað sambærilegt mál gæti verið á leið fyrir dóm. 21. júlí 2022 19:00