Søren Thomassen, yfirlögregluþjónn, á blaðamannafundi lögreglunnar í Kaupmannahöfn.EPA-EFE/Ólafur Steinar Gestsson
Þrjú eru látin og þrjú eru í lífshættu eftir skotárás í verslunarmiðstöðinni Field's í Kaupmannahöfn. 22 ára danskur karlmaður hefur verið handtekinn vegna málsins.
Hinir látnu eru karl á fertugsaldri, ungur maður og ung kona. Lögreglan vinnur nú að því að bera kennsl á þá og fá aðstandendur upplýsta, samkvæmt tilkynningu frá lögreglunni í Kaupmannahöfn.
Lögreglan greindi fyrst frá því á Twitter klukkan sex að staðartíma að tilkynning hefði borist um skotárásina. Á blaðamannafundi lögreglunnar í Kaupmannahöfn staðfesti Søren Thomassen að atvikið sé rannsakað sem hryðjuverk en hann segir ekkert vitað um ástæður né hvort fleiri en einn hafi staðið að árásinni.
Ríkisspítalinn í Kaupmannahöfn staðfesti í samtali við TV 2 að þrír hafi verið lagðir inn eftir skotárásina.
Fylgst verður með helstu tíðindum af skotárásinni í vaktinni hér að neðan:
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
