Í frétt blaðsins segir að mennirnir þrír hafi leitað til lögmanns til að hafa milligöngu milli þeirra og Vítalíu og til að komast að því hvað hún vildi, eftir að skilaboð og bréfasendingar bárust fjölskyldum mannanna og samstarfsmönnum í viðskiptalífinu er vörðuðu ásakanir Vitalíu á hendur þremenningunum um kynferðisbrot í sumarbústað í október 2020.
Fréttablaðið segir að samkvæmt heimildum sínum hefðu Ari, Hreggviður og Þórður fengið þau skilabð frá Vítalíu og Arnari, í gegnum lögmanninn, að þeir þyrftu að greiða „alvöru fjárhæð“ til að ljúka málinu. Svo virðist sem hugmyndir hafi verið uppi um upphæð á bilinu 50 til 150 milljónir króna.
Í kærunni sem Fréttablaðið virðist hafa undir höndum segjast þremenningarnir hafa fengið það staðfest hjá ríkislögreglustjóra að ekkert mál gegn þeim sé til rannsóknar þar, það er að segja að Vítalía hafi ekki kært þá til lögreglu líkt og hún sagðist ætla að gera.
Þá segist blaðið hafa upplýsingar undir höndum sem sýna hvernig þáttur Arnars í atvikinu í sumarbústaðnum og í atburðarásinni í framhaldinu virðist breytast eftir því hvernig samband hans og Vítalíu stendur hverju sinni.
Þannig er Arnar til að mynda sagður hafa deilt einkaskilaboðum frá Vítalíu með Sigurði G. Guðjónssyni þegar Vítalía talaði um hann með neikvæðum hætti en á öðrum tímum styðji þau hvort annað; hann með því að taka undir frásögn hennar og hún með því að berjast fyrir því að hann fái áfram að tilheyra gólfhópnum Stullarnir, sem mennirnir tilheyrðu allir.
Athygli vekur að Fréttablaðið segir Eggert Þór Kristófersson, sem var nýlega sagt upp sem forstjóra Festar hf., hafa átt milligöngu um sáttatillögu í málinu, eftir að Vítalía setti sig í samband við hann.
