Lífið

Rebel Wilson deilir mynd af nýju kærustunni

Elísabet Hanna skrifar
Stórglæsilegt par á myndinni sem Rebel deildi.
Stórglæsilegt par á myndinni sem Rebel deildi. Skjáskot/Instagram

Leikkonan Rebel Wilson hefur nú gert opinbert hver nýja ástin í lífi hennar sé og er það Ramona Agruma. Hún hefur áður opnað sig um að hún væri komin í samband en var ekki tilbúin að segja með hvaða einstaklingi það væri.

Nú hefur hún deilt mynd af parinu saman og skrifaði Rebel við myndina: „Ég hélt að ég væri að leita að Disney prins en kannski vantaði mig allan tímann Disney prinsessu.“

Samkvæmt People segja vinir leikkonunnar að hún hafi aldrei verið jafn hamingjusöm og núna. Í viðtali fyrir skömmu síðan sagðist Rebel hafa kynnst nýju ástinni í gegnum sameiginlegan vin.

„Við töluðum saman í síma í margar vikur áður en við hittumst og það var góð leið til þess að kynnast,“

sagði hún og fannst það rómantískt. Hún sagði það líka vera góða tilbreytingu að vera í virkilega heilbrigðu sambandi og ekki að sætta sig við eitthvað sem hún vildi ekki. Rebel var síðast í sambandi með Jacob Busch en þau hættu saman í lok síðasta árs.


Tengdar fréttir

Rebel Wilson hefur fundið ástina á ný

Leikkonan Rebel Wilson hefur fundið ástina á ný. Hún segir sameiginlegan vin hafa komið þeim saman og greindi frá aðdragandanum þegar hún var gestur í hlaðvarpinu U up? Hún er þessa dagana að kynna nýju myndina sína, Senior Year.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.