Lífið

Rebel Wilson hefur fundið ástina á ný

Elísabet Hanna skrifar
Rebel Wilson er um þessar mundir að kynna nýju Netflix myndina sína Senior Year.
Rebel Wilson er um þessar mundir að kynna nýju Netflix myndina sína Senior Year. Getty/Vivien Killilea

Leikkonan Rebel Wilson hefur fundið ástina á ný. Hún segir sameiginlegan vin hafa komið þeim saman og greindi frá aðdragandanum þegar hún var gestur í hlaðvarpinu U up? Hún er þessa dagana að kynna nýju myndina sína, Senior Year.

Raya hjálpaði henni ekki með ástina

Rebel, sem er líklega þekktust fyrir hlutverk sín í Pitch Perfect, Isn't It Romantic, The Hustle og Bridesmaids, segist hafa verið opin fyrir ástinni þegar þau kynntust.

„Ég var á og af Raya appinu en það var vinur sem kom okkur saman,“

sagði hún og bætti við „Hann hafði þekkt okkur bæði í að minnsta kosti fimm ár hvort og sagði „Já, ég held að þið mynduð ná vel saman“ og við gerðum það.“ 

Raya er stefnumóta forrit sem þarf að senda inn umsókn sem farið er yfir af nefnd og samþykkt eða hafnað til þess að komast inn á. Aðeins er hægt að senda inn umsókn eftir að núverandi meðlimur forritsins hefur mælt með þér en forritið hefur verið vinsælt hjá stjörnunum.

Hefur þróast hratt

Hún segir sambandið hafa þróast hraðar þar sem þau hafi kynnst í gegnum sameiginlegan vin þar sem þau gátu treyst því að hin manneskjan væri sú sem hún sagðist vera. Hún segir það stundum ekki vera raunina á stefnumótaforritum. 

Þó að Rebel hafi fundið ástina virðist hún ekki tilbúin að deila því hver sú heppna manneskja er en það mun líklega koma í ljós á næstu vikum þegar hún er tilbúin.

Var einhleyp á Super Bowl

Leiðir Rebel og fyrrverandi kærasta hennar Jacob Busch lágu í sitthvora áttina í febrúar 2021 aðeins fjórum mánuðum eftir að þau opinberuðu sambandið sitt á Instagram. Eftir sambandsslitin talaði Rebel um sig á miðlinum sínum sem einhleypu konuna sem væri á leiðinni á Super Bowl. 

Þráir Óskarinn

Nýlega sagði leikkonan í viðtali við People að hennar stærsta markmið sé líklega að vinna Óskarsverðlaun. 

„Það eru svo mörg markmið framundan en það stærsta væri að vinna Óskarinn, held ég.“

Í nýju myndinni Senior Year leikur hún fyrrum klappstýru sem vaknar eftir að hafa verið í dái í tuttugu ár og snýr aftur til þess að klára loka árið sitt í skólanum. Hún sagði myndina vera með fallegan boðskap að sá sem þú sért í menntaskóla þurfi ekki að skilgreina þig út lífið.


Tengdar fréttir

Rebel Wilson hélt uppi fjörinu á BAFTA verðlaununum

BAFTA verðlaunin fóru fram í gær, sama kvöld og Critics choice verðlaunin voru haldin, það virtust þó vera nóg af stjörnum á báðum stöðum sem skörtuðu sínu allra besta á rauða dreglinum. Rebel Wilson stóð sig vel sem kynnir en þekkt er að hátíðin sé á alvarlegri nótunum og því erfitt að halda uppi góðu gríni.






Fleiri fréttir

Sjá meira


×