Körfubolti

Af liðum í úrslitakeppninni væri LeBron mest til í að spila með Golden State

Atli Arason skrifar
LeBron James í leik með Los Angeles Lakers.
LeBron James í leik með Los Angeles Lakers. EPA-EFE/ETIENNE LAURENT

LeBron James, leikmaður LA Lakers, hefur aftur kveikt í þeirri vangaveltu að hann og Stephen Curry gætu spilað í sama liði einn daginn.

James verður í nýjasta þætti af The Shop sem mun birtast næsta föstudag. Stikla fyrir þáttinn kom út í gær en þar er James spurður að því hvaða liði í úrslitakeppninni hann væri mest til í að spila með. James svaraði að Golden State væri það lið og um leið lýsti hann yfir aðdáun sinni á Draymond Green.

Golden State Warriors og Boston Celtics leika til úrslita um NBA titilinn þetta árið og þriðji leikur liðanna hefst núna klukkan 00:55. Það liggur ekki fyrir hvenær þessi þáttur af The Shop var tekinn upp og þá hvort það hefðu verið fleiri lið í boði sem svarmöguleikar fyrir James. Það er auðvitað víðþekkt að Lakers og Celtics eru erkifjendur til margra ára en þetta eru tvö sigursælustu liðin í NBA, bæði með 17 titla. James hefði því ekki geta nefnt Celtics án þess að allt færi á hliðina í Los Angeles.

LeBron James hefur fyrr á þessu ári, í sömu þáttum, lýst yfir aðdáun sinni á Stephen Curry. James sagði þá að Curry væri sá leikmaður í deildinni í dag sem hann væri mest til í að spila með.

„Ég elska allt við þennan gaur, hann er banvænn. Maður þarf að vera alveg í andlitinu á honum um leið og hann mætir á völlinn. Eiginlega bara um leið og hann labbar út úr bílnum fyrir utan leikvöllin þá þarf maður að dekka hann,“ sagði LeBron James um Stephen Curry.

NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.