Erlent

Tíu létu lífið í skotárás sem var streymt

Bjarki Sigurðsson skrifar
Fólk safnaðist saman fyrir utan verslunarmiðstöðina eftir skotárásina.
Fólk safnaðist saman fyrir utan verslunarmiðstöðina eftir skotárásina. Derek Gee/AP

Tíu manns létu lífið í Buffalo í New York-fylki í Bandaríkjunum í dag þegar karlmaður skaut á gesti í verslunarmiðstöð. Byssumaðurinn streymdi árásinni á streymissíðunni Twitch.

Fréttaveitan AP greinir frá þessu. Maðurinn hafði áletrað byssu sína með slanguryrði sem hvítir þrælahaldarar notuðu yfir dökka þræla sína. Þá er hann sagður vera gyðingahatari og trúa á yfirburði hvíta kynstofnsins. Íbúar hverfisins sem verslunarmiðstöðin er staðsett í eru langflestir dökkir á hörund. 

Byssumaðurinn var klæddur í skothelt vesti og var með svartan hjálm á meðan hann skaut á gesti í verslunarmiðstöðinni.

Maðurinn var handtekinn fyrir utan verslunarmiðstöðina og gaf hann sig sjálfur fram. Samkvæmt vitnum gekk hann út, kastaði byssunni sinni frá sér, kraup niður á hné og beið eftir því að vera handtekinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×