Mikill meirihluti leikskólakennara samþykkti kjarasamning

Atli Ísleifsson skrifar 12. maí 2022 08:35

Alls greiddu 83 prósent atkvæði með samþykkt samningsins. Vísir/Vilhelm

Mikill meirihluti félagsmanna í Félagi leikskólakennara samþykktu nýjan kjarasamning, en atkvæðagreiðslu lauk í gær. Alls greiddu 83 prósent atkvæði með samþykkt samningsins.

Frá þessu segir á vef Kennarasambandsins. Samninganefndir félagsins og Sambands íslenskra sveitarfélaga skrifuðu undir samninginn 27. apríl síðastliðinn, en gildistími samningsins er frá 1. janúar 2022 til 31. mars 2023.

Atkvæðagreiðsla um samninginn hófst að morgni fimmtudagsins 5. maí og lauk á hádegi í gær.

Niðurstaðan

Já sögðu 1.069 eða 83,25 prósent
Nei sögðu 186 eða 14,49 prósent
Auðir seðlar voru 29 eða 2,26 prósent

Á kjörskrá voru 2002. Atkvæði greiddu 1.248 eða 64,14 prósent.

Kjaramál Vinnumarkaður Skóla - og menntamál Leikskólar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.