Karl krónprins flutti stefnuræðuna í fjarveru drottningar

Atli Ísleifsson skrifar 10. maí 2022 11:41

Karl Bretaprins í breska þinghúsinu fyrr í dag. AP

Karl Bretaprins flutti í morgun stefnuræðu bresku ríkisstjórnarinnar í breska þinghúsinu í morgun. Þetta er í fyrsta sinn sem hinn 73 ára Karl heldur slíka ræðu, en hann var fenginn í verkið þar sem Elísabet drottning hafði boðað forföll vegna veikinda.

Hin 96 ára Elísabet hefur flutt allar stefnuræður bresku ríkisstjórnarinnar frá árinu 1963 en þá boðaði hún forföll þar sem hún var barnshafandi.

Í ræðunni ræddi Karl meðal annars um nauðsyn vaxtar bresks efnahagslífs til að hægt verði að tryggja íbúum bætt lífsgæði og sömuleiðis nauðsyn fyrir aukinni fjárfestingu í heilbrigðiskerfinu. Þá var minnst á nokkur af þeim 38 lagafrumvörpum sem verða lögð fyrir þingið á komandi ári.

Breski þjóðhöfðinginn flytur vanalega stefnuræður bresku ríkisstjórnarinnar þar sem lagðar eru línurnar í stefnu og störfum ríkisstjórnarinnar.

Umræður um stefnuræðuna fara svo fram á þinginu síðar í dag.

Bretland Kóngafólk

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.