Lífið samstarf

Burstað leður á vel við Íslendinga

Vogue fyrir heimilið
Jeffrey Koster, framkvæmdastjóri hollenska húsgagnaframleiðandans Het Anker.
Jeffrey Koster, framkvæmdastjóri hollenska húsgagnaframleiðandans Het Anker.

„Húsgagnalína okkar virðist falla vel í kramið hjá Íslendingum. Kannski er það gróft, burstað leðrið og „industrial“ stíllinn okkar því það má alveg segja að í honum sé smá dass af Skandinavíu." 

„Við höfum selt húsgögn á Íslenskan markað í mörg ár og Het Anker sófa því að finna á mörgum íslenskum heimilum,“ segir Jeffrey Koster, framkvæmdastjóri hollenska húsgagnaframleiðandans Het Anker en húsgögnin fást í Vogue fyrir heimilið.

Het Anker fyrirtækið er rótgróið í húsgagnabransanum og flytur út til yfir þrjátíu landa um allan heim. Það byrjaði þó smátt, sem lítið bólstrunarverkstæði árið 1928.

Fyrirtækið hefur verið í eigu sömu fjölskyldunnar alla tíð. Bólstrun og teppalögn var aðal þjónustan fyrstu áratugina og smám saman bættist húsgagnasmíði við. Á áttunda og níunda áratugnum tók fyrirtækið vaxtarkipp og hóf framleiðslu á eikarsófum með leðurpúðum sem urðu geysivinsælir í Evrópu. 

„Um tíma var Het Anker eitt af aðal húsgagnaframleiðendunum í „eikardeildinni“. Þegar IKEA opnaði sína fyrstu verslun utan Svíþjóðar urðu eikarsófar hinsvegar úreltir mjög hratt og Het Anker snéri sér alfarið að framleiðslu leðursófa,“ útskýrir Jeffrey.

 Í dag samanstendur vörulína Het Anker af bólstruðum húsgögnum bæði með leðri og tauáklæði.

„Við stefnum á að verða einn af lykilbirgjum Evrópu með nútímalega sófa og stóla í miklum gæðum og á góðu verði,“ segir Jeffrey.

„Við heimsækjum alþjóðlegar sýniningar, meðal annars á Ítalíu til að kynnast nýjustu straumum og fá innblástur. Hönnunarteymið okkar samanstendur af þremur einstaklingum en í einstaka verkefni ráðum við utanaðkomandi hönnuði. Stíllinn okkar er nútímalegur sem þýðir í raun að við fylgjum ráðandi straumum. Síðustu ár hafa þeir einkennst af öflugum „industrial“-húsgögnum, falleg blanda af málmi, gjarnan svörtum, og sterku, handburstuðu leðri.

 Þetta ákveðna „vintage“ útlit á leðrinu er orðið vörumerki Het Anker og fólk þekkir vörurnar okkar oft út frá leðrinu,“ segir Jeffrey.

Úrval Het Anker húsgagna er að finna í Vogue fyrir heimilið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.