„Sagði strax já og var klár í ævintýri“ Sindri Sverrisson skrifar 4. maí 2022 09:00 Orri Freyr Gíslason var fyrirliði Vals og leiðtogi í liðinu, til að mynda þegar það vann tvöfalt árið 2017. vísir/bára „Það var þokkalega rólegt að gera í vinnunni þannig að ég gat hoppað út,“ segir píparinn Orri Freyr Gíslason sem allt í einu er orðinn handboltamaður á nýjan leik, og það í baráttunni um svissneska meistaratitilinn. Orri, sem verður 34 ára síðar í mánuðinum, lagði handboltaskóna á hilluna vorið 2019 eftir að hafa um árabil verið einn allra besti varnarmaður Olís-deildarinnar og leiðtogi í liði Vals. Nú er Aðalsteinn Eyjólfsson, þjálfari svissnesku deildarmeistaranna í Kadetten Schaffhausen, hins vegar búinn að fá Orra út til Sviss til að taka þátt í að landa meistaratitlinum sem liðið ætlar sér. „Ég fékk símtal á sumardaginn fyrsta og svo gerðist þetta hratt í kjölfarið. Ég sagði strax já og var klár í eitthvað ævintýri,“ segir Orri. Hætti við að safna bumbu og fær smátíma til að finna taktinn Er hann þá sem sagt ekki dæmi um íþróttamann í toppformi sem leggst upp í sófa og safnar bumbu þegar skórnir fara á hilluna? „Jú, þegar ég hætti þá gerðist það,“ svaraði Orri léttur í bragði. „En svo byrjaði ég aftur að hreyfa mig og þá lagaðist það. Ég er búinn að í einhverju karlaþreki, æfa í MMA og bara leika mér. Ég hef kannski æft í tvær vikur og svo tekið tvær vikur í frí, og bara ræð mér auðvitað sjálfur. Kosturinn við þetta núna er að Kadetten kláraði 8-liða úrslitin um daginn og er komið í undanúrslitin sem byrja ekki fyrr en 12. maí. Ég hef því smátíma til að finna taktinn. Alli er heldur ekki að fá mig til að spila 60 mínútur í leik. Hugsunin er örugglega að ég geti spilað 5-10 mínútur í leik bara til þess að hvíla hina gæjana. Ég á bara að koma inn á og slást aðeins svo að hinir fái pásu,“ segir Orri. Gjaldgengur vegna þess að hann hafði ekki spilað í tvö ár Hann viðurkennir að það hafi vissulega komið aðeins á óvart að fá tilboð um að spila með Kadetten næstu vikurnar. Orri fékk fyrst símtal frá Hannesi Jóni Jónssyni, vini Aðalsteins, sem þjálfar Alpla í Austurríki. „Svo hringdi Alli í mig daginn eftir og útskýrði fyrir mér hvað hann væri að hugsa með þessu. Þá gat ég ekki sagt nei við þessu. Þetta kom mér svolítið á óvart en það er náttúrulega erfitt fyrir þá að fá leikmenn þegar glugginn er lokaður. Ég er ekki búinn að spila í tvö ár þannig að ég er gjaldgengur. Þeir voru örugglega búnir að tékka á fleiri möguleikum en ég var sá eini sem gat komið út án þess að það væri eitthvað vesen,“ segir Orri. Orri Freyr Gíslason varð tvöfaldur meistari með Val árið 2017 og kjörinn íþróttamaður Vals sama ár.vísir/andri marinó Kadetten hafði misst tvo hlekki úr vörninni sinni vegna meiðsla, og því var rík þörf fyrir mann sem kann að verjast líkt og Orri gerði svo vel á sínum ferli, eins og Ýmir Örn bróðir hans og landsliðsmaður. Orri er mættur til Sviss og hefur æft einn hingað til vegna Evrópuleiks Kadetten í Póllandi í gærkvöld. „Fyrsta æfingin mín með liðinu er ekki fyrr en á fimmtudag eða föstudag og það kemur þá kannski eitthvað „reality check“ þá. En maður þarf bara að láta vaða. Það er það eina sem hægt er að gera núna.“ Valur eina liðið sem kæmi til greina En þýðir þessi endurkoma að Orri ætli að spila handbolta á næstu leiktíð? „Ég veit það ekki. Ég er ekki þar í dag. Ég er samt þannig týpa að ég slæ aldrei neitt út af borðinu, þó ég sé þrjóskari en andskotinn,“ segir Orri sem lék allan sinn feril með Val fyrir utan dvöl í Viborg í Danmörku. „Það er bara einn klúbbur á Íslandi sem ég myndi spila fyrir og það er Valur, og ég veit ekki hvernig staðan verður þar á næsta ári. Það er alveg 120% að ég myndi bara spila fyrir Val,“ segir Orri. Valur Handbolti Mest lesið Tíu KR-ingar skoruðu níu í gölnum leik Íslenski boltinn Bayern hyggst ráða manninn sem United losaði sig við Fótbolti „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport „Á sama tíma í fyrra held ég að þetta hafi verið gult“ Íslenski boltinn Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira
Orri, sem verður 34 ára síðar í mánuðinum, lagði handboltaskóna á hilluna vorið 2019 eftir að hafa um árabil verið einn allra besti varnarmaður Olís-deildarinnar og leiðtogi í liði Vals. Nú er Aðalsteinn Eyjólfsson, þjálfari svissnesku deildarmeistaranna í Kadetten Schaffhausen, hins vegar búinn að fá Orra út til Sviss til að taka þátt í að landa meistaratitlinum sem liðið ætlar sér. „Ég fékk símtal á sumardaginn fyrsta og svo gerðist þetta hratt í kjölfarið. Ég sagði strax já og var klár í eitthvað ævintýri,“ segir Orri. Hætti við að safna bumbu og fær smátíma til að finna taktinn Er hann þá sem sagt ekki dæmi um íþróttamann í toppformi sem leggst upp í sófa og safnar bumbu þegar skórnir fara á hilluna? „Jú, þegar ég hætti þá gerðist það,“ svaraði Orri léttur í bragði. „En svo byrjaði ég aftur að hreyfa mig og þá lagaðist það. Ég er búinn að í einhverju karlaþreki, æfa í MMA og bara leika mér. Ég hef kannski æft í tvær vikur og svo tekið tvær vikur í frí, og bara ræð mér auðvitað sjálfur. Kosturinn við þetta núna er að Kadetten kláraði 8-liða úrslitin um daginn og er komið í undanúrslitin sem byrja ekki fyrr en 12. maí. Ég hef því smátíma til að finna taktinn. Alli er heldur ekki að fá mig til að spila 60 mínútur í leik. Hugsunin er örugglega að ég geti spilað 5-10 mínútur í leik bara til þess að hvíla hina gæjana. Ég á bara að koma inn á og slást aðeins svo að hinir fái pásu,“ segir Orri. Gjaldgengur vegna þess að hann hafði ekki spilað í tvö ár Hann viðurkennir að það hafi vissulega komið aðeins á óvart að fá tilboð um að spila með Kadetten næstu vikurnar. Orri fékk fyrst símtal frá Hannesi Jóni Jónssyni, vini Aðalsteins, sem þjálfar Alpla í Austurríki. „Svo hringdi Alli í mig daginn eftir og útskýrði fyrir mér hvað hann væri að hugsa með þessu. Þá gat ég ekki sagt nei við þessu. Þetta kom mér svolítið á óvart en það er náttúrulega erfitt fyrir þá að fá leikmenn þegar glugginn er lokaður. Ég er ekki búinn að spila í tvö ár þannig að ég er gjaldgengur. Þeir voru örugglega búnir að tékka á fleiri möguleikum en ég var sá eini sem gat komið út án þess að það væri eitthvað vesen,“ segir Orri. Orri Freyr Gíslason varð tvöfaldur meistari með Val árið 2017 og kjörinn íþróttamaður Vals sama ár.vísir/andri marinó Kadetten hafði misst tvo hlekki úr vörninni sinni vegna meiðsla, og því var rík þörf fyrir mann sem kann að verjast líkt og Orri gerði svo vel á sínum ferli, eins og Ýmir Örn bróðir hans og landsliðsmaður. Orri er mættur til Sviss og hefur æft einn hingað til vegna Evrópuleiks Kadetten í Póllandi í gærkvöld. „Fyrsta æfingin mín með liðinu er ekki fyrr en á fimmtudag eða föstudag og það kemur þá kannski eitthvað „reality check“ þá. En maður þarf bara að láta vaða. Það er það eina sem hægt er að gera núna.“ Valur eina liðið sem kæmi til greina En þýðir þessi endurkoma að Orri ætli að spila handbolta á næstu leiktíð? „Ég veit það ekki. Ég er ekki þar í dag. Ég er samt þannig týpa að ég slæ aldrei neitt út af borðinu, þó ég sé þrjóskari en andskotinn,“ segir Orri sem lék allan sinn feril með Val fyrir utan dvöl í Viborg í Danmörku. „Það er bara einn klúbbur á Íslandi sem ég myndi spila fyrir og það er Valur, og ég veit ekki hvernig staðan verður þar á næsta ári. Það er alveg 120% að ég myndi bara spila fyrir Val,“ segir Orri.
Valur Handbolti Mest lesið Tíu KR-ingar skoruðu níu í gölnum leik Íslenski boltinn Bayern hyggst ráða manninn sem United losaði sig við Fótbolti „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport „Á sama tíma í fyrra held ég að þetta hafi verið gult“ Íslenski boltinn Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira