Innlent

Al­var­lega slasaður eftir að hafa fallið af vinnu­palli í Þor­láks­höfn

Atli Ísleifsson skrifar
Í vikuskýrslu lögreglunnar á Suðurlandi segir frá tveimur vinnuslysum.
Í vikuskýrslu lögreglunnar á Suðurlandi segir frá tveimur vinnuslysum. Vísir/Vilhelm

Maður slasaðist alvarlega eftir að hafa fallið af vinnupalli við malarhörpu við Þorlákshöfn síðastliðinn fimmtudag.

Frá þessu segir í tilkynningu frá lögreglunni á Suðurlandi. Þar segir að fallið hafi verið þrír til fjórir metrar.

Maðurinn var fluttur á sjúkrahús til aðhlynningar og voru starfsmenn Vinnueftirlitsins kallaðir til til frekari rannsóknar á vettvangi.

Í tilkynningunni segir að svo virðist sem að handrið á pallinum hafi gefið sig með þessum afleiðingum.

„Deginum áður hafði karlmaður fallið úr um 3 m hæð úr stiga við vinnu sína í nýbyggingu, einnig í Þorlákshöfn. Hann með áverka á höfði og fluttur á sjúkrahús. Vinnueftirliti gert viðvart um slysið.“

Lögreglumál Vinnuslys Ölfus
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið