Sport

Stjarnan Íslandsmeistari í karla- og kvennaflokki

Hjörtur Leó Guðjónsson skrifar
Lið Stjörnunnar varð Íslandsmeistari kvenna í hópfimleikum í gær.
Lið Stjörnunnar varð Íslandsmeistari kvenna í hópfimleikum í gær. Fimleikasamband Íslands

Íslandsmótið í hópfimleikum fór fram í íþróttahúsinu Iðu á Selfossi í gær þar sem Stjarnan tryggði sér Íslandsmeistaratitilinn bæði í karla- og kvennaflokki.

Stjarnan hafði mikla yfirburði í kvennaflokki og sigraði á öllum áhöldum. Liðið fékk samanlagt 52.360 stig, en í öðru sæti var lið Gerplu með 44.795 stig. ÍA hafnaði í þriðja sæti með 41.645 stig.

Þá varð karlalið Stjönunnar einnig Íslandsmeistari, en liðið fékk samanlagt 53.095 stig.

Þá varð heimalið Selfoss Íslandsmeistari í flokki blandaðra liða með 33.345 stig.

Ásamt meistaraflokki var einnig keppt í 1. flokki, en þar var það lið Gerplu sem stóð öðrum framar. Gerpla sigraði í 1. flokki kvenna með 46.495 stig og í flokki blandaðra liða með 43.660 stig.

Að lokum voru einnig veitt verðlaun fyrir deildarmeistara á árinu, en í meistaraflokki voru það karlalið Stjörnunnar, kvennalið Gerplu og blandað lið Selfoss sem hlutu verðlaunin. Þá varð Gerpla deildarmeistari bæði í kvenna- og blönduðum flokki.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.