Tíska og hönnun

„Líkaminn minn er að gera stórkostlega hluti um þessar mundir og ég ætla ekki að skammast mín fyrir það“

Dóra Júlía Agnarsdóttir skrifar
Súperstjarnan Rihanna ræðir um ástina, meðgönguna, tískuna og tilveruna í nýjasta tölublaði Vogue.
Súperstjarnan Rihanna ræðir um ástina, meðgönguna, tískuna og tilveruna í nýjasta tölublaði Vogue. Annie Leibovitz/Instagram @badgalriri, @voguemagazine

Söngkonan og ofurstjarnan Rihanna prýðir forsíðu nýjasta tölublaðs tískutímaritsins Vogue fyrir maí mánuð. Rihanna á von á barni með maka sínum, rapparanum A$AP Rocky, og á forsíðumyndinni klæðist hún þröngum netasamfesting með rauðum útsaumi.

Rihanna þykir ein best klædda kona í heimi og hefur svo sannarlega ekki slegið slöku við í óléttuklæðnaðinum, þar sem hún skín af sjálfsöryggi og notar stórkostlegar samsetningar í fatavali sínu. Í viðtalinu segir hún meðal annars að það sé einfaldlega of skemmtilegt að klæða sig upp.

„Ég ætla ekki að láta þann hluta af lífi mínu hverfa þó að líkaminn minn sé að breytast,“ segir Rihanna. Vogue segir meðal annars að hún hafi endurskrifað tískureglurnar á meðgöngu sinni. Annie Leibovitz tók ljósmyndirnar en hún er einn þekktasti tískuljósmyndari okkar samtíma.

„Ég vona að við getum endurskilgreint hvað þykir viðeigandi fyrir óléttar konur. Líkaminn minn er að gera stórkostlega hluti um þessar mundir og ég ætla ekki að skammast mín fyrir það. 

Þetta á að vera tími til að fagna. Af því af hverju ættir þú að fela óléttuna þína?“ segir þessi fyrirmynd og súperstjarna.

Í viðtalinu talar Rihanna um tísku, ástina, meðgönguna og athyglina ásamt því að gefa smá innsýn í hvort nýtt lag sé væntanlegt frá henni. Aðdáendur Rihönnu hafa beðið spenntir í mörg ár eftir nýju efni frá söngkonunni en í gegnum tíðina hefur hún sent frá sér ódauðleg lög á borð við We Found Love og Love On The Brain.

Rihanna og A$AP Rocky eiga bæði von á sínu fyrsta barni og samkvæmt Rihönnu gengur sambandið vel. Hún segir þau einfaldlega vera að gera sitt og beri virðingu hvort fyrir öðru. „Mér líður bara eins og ég geti tekist á við alla hluta lífsins með hann mér við hlið.“

Rihanna og A$AP Rocky eru sannkallað ofurpar.Getty/Victor Boyko

Tengdar fréttir

Ri­hanna birtir nýja óléttu­mynd á Insta­gram

Tónlistarkonan og milljarðamæringurinn Rihanna deildi fallegri bumbumynd á Instagram í gær. Síðustu mánuði hefur verið hávær orðrómur um það að tónlistarkonan ætti von á barni með kærasta sínum A$AP Rocky en sá orðrómur var staðfestur nú í vikunni.

Rihanna og A$AP Rocky eiga von á barni

Söngkonan og milljarðamæringurinn Rihanna á von á sínu fyrsta barni. Hún sýndi kúluna í fyrsta skipti um helgina í Harlem ásamt kærasta sínum A$AP Rocky.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.