Erlent

For­manns­skipti hjá Frjáls­lynda flokknum í Sví­þjóð

Atli Ísleifsson skrifar
Nyamko Sabuni tók við embætti formanns Frjálslynda flokksins árið 2019.
Nyamko Sabuni tók við embætti formanns Frjálslynda flokksins árið 2019. Getty

Nyamko Sabuni, formaður Frjálslynda flokksins í Svíþjóð, hefur tilkynnt að hún hafi ákveðið að láta af embætti formanns. Þingkosningar fara fram í Svíþjóð næsta haust og hafa skoðanakannanir síðustu misserin allar bent til að mikil hætta sé á að flokkurinn muni detta út af þingi.

Sabuni greindi frá ákvörðun sinni á blaðamannafundi í dag, en hún tók við embætti formanns flokksins árið 2019.

Sænskir fjölmiðlar segja frá því að þingflokksformaðurinn Johan Pehrson muni taka við embætti formanns af Sabuni.

Pehrson segir Frjálslynda flokkinn munu gegna lykilhlutverki þegar kemur að því að tryggja að frjálslynd, borgaraleg stjórn taki við völdum að loknum kosningum í haust. 

„Ég er reiðubúinn að leiða Frjálslynda flokkinn í gegnum sögulega kosningabaráttu,“ sagði Pehrson.

Pehrson hefur átt sæti á sænska þinginu frá 1998 til 2015 og aftur frá 2018.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×