Erlent

Nígerskur trúleysingi fangelsaður í 24 ár fyrir guðlast

Hallgerður Kolbrún E. Jónsdóttir skrifar
Maðurinn var sóttur til saka í öðru héraði en hann býr í. Í héraðinu, Kano, sem sótti hann til saka er meirihluti íbúa íslamstrúar og stjórnvöld mjög íhaldssöm.
Maðurinn var sóttur til saka í öðru héraði en hann býr í. Í héraðinu, Kano, sem sótti hann til saka er meirihluti íbúa íslamstrúar og stjórnvöld mjög íhaldssöm. Getty/Olukayode Jaiyeola

Nígerskur trúleysingi og mikill gagnrýnandi trúarbragða hefur verið dæmdur í 24 ára fangelsi fyrir guðlast. Maðurinn játaði sekt sína fyrir dómi í Kano í norðurhluta landsins. 

Mubarak Bala var ákærður fyrir athugasemdir sem hann skrifaði á Facebook í apríl 2020 þar sem hann gagnrýndi íslamstrú. Yfirvöld í Kano, sem stjórnað er af múslimum og meirihluti íbúa eru múslimar, litu á athugasemdirnar sem guðlast og móðgun við trúna og var hann því ákærður fyrir athugasemdirnar. 

Hæstaréttardómarinn Farouk Lawlan surði Bala að því í vitnastúku hvort hann hafi verið neyddur til að játa á sig alla átján áæruliðina sagðist Bala hafa gert það af fúsum og frjálsum vilja. 

James Ibor, lögmaður Bala, sagði í samtali við fjölmiðla að dómurinn hafi verið svívirðilegur og honum ætti að snúa við. 

„Niðurstaða dómsins brýtur á rétti hans sem trúleysingja,“ sagði Ibor í samtali við fréttastofu Reuters

Bala, sem leiðir Samtök húmanista í Nígeríu, var handtekinn á heimili sínu í norðurhluta Kaduna fyrir tveimur árum síðan og var síðan fluttur til nágrannahéraðsins Kano, þar sem hann var sóttur til saka. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.