Vilja reisa nýtt gagnaver á Akureyri Eiður Þór Árnason skrifar 5. apríl 2022 16:41 Eyjólfur Magnús Kristinsson, forstjóri atNorth, og Ásthildur Sturludóttir, bæjarstjóri Akureyrar. Aðsend Forstjóri atNorth og bæjarstjórinn á Akureyri undirrituðu í dag viljayfirlýsingu um byggingu og rekstur gagnavers á Akureyri. Fyrirtækið hyggst leigja lóð undir starfsemina á skipulögðu athafnasvæði í útjaðri bæjarins og stefnir á að hefja framkvæmdir þar á næstu mánuðum. AtNorth, sem hét áður Advania Data Centers, rekur gagnaver í Reykjanesbæ, Hafnarfirði og í Stokkhólmi í Svíþjóð. Eyjólfur Magnús Kristinsson, forstjóri atNorth, segir í tilkynningu að kostir þess að byggja gagnaver á Akureyri séu ótvíræðir. Á svæðinu sé til staðar mikil þekking og traust fyrirtæki sem geti veitt atNorth góða þjónustu við rekstur og viðhald á tæknibúnaði í gagnaverinu. „Héðan ætlum við bæði að þjóna innlendum og erlendum viðskiptavinum, en með gagnaveri á Akureyri getum við dreift betur áhættunni í rekstrinum. Vistun og vinnsla gagna fer þá fram á fleiri stöðum en áður, aðgengi að gagnatengingum úr landi verður betra og öryggismálum verður enn betur fyrir komið,” segir Eyjólfur Magnús. Góðar flugsamgöngur skipti líka sköpum, enda taki aðeins um klukkustund að komast frá Reykjavíkurflugvelli inn í nýtt gagnaver atNorth á Akureyri þegar verkefninu verði lokið. Vonast til að opna á fyrri helmingi næsta árs Gísli Kr. Katrínarson, framkvæmdarstjóri sölu- og markaðssviðs hjá atNorth, segir í samtali við Vísi að í fyrstu sé stefnt að því að nota tíu megavött af raforku fyrir nýja gagnaverið en við þau mörk telst iðnaður vera stórnotandi raforku. Gagnaverið verði þó í fyrstu minna í sniðum en gagnaver atNorth byggja á húseiningakerfi sem gerir fyrirtækinu kleift að stækka þau auðveldlega eftir þörfum. Gísli segir fyrirtækið nú í viðræðum við orkufyrirtæki til að kanna hversu mikil orka sé fáanleg á svæðinu. Hann bætir við að stefnt sé að því að taka nýja gagnaverið í notkun á fyrri helmingi næsta árs en það verður staðsett á iðnaðarsvæði fyrir neðan Hlíðarfjall. „Við erum búin að gera samninga við viðskiptavini í hátækniiðnaði sem þurfa ekki tíu megavött frá upphafi þannig að við höfum smá tíma til að komast upp í tíu megavött en það er stefnan okkar,“ segir Gísli. Hann auglýsir jafnframt eftir fyrirtækjum eða aðilum sem telja sig geta endurnýtt varma frá nýja gagnaverinu. Í gagnaveri atNorth í Stokkhólmi er hiti frá tölvubúnaðinum nýttur í hitaveitukerfi nærliggjandi svæðis. „Okkur hefur til dæmis dottið í hug ræktun og við höfum séð að í Noregi er hiti frá gagnaveri notaður í landeldi. Það eru ýmsir möguleikar sem skapast af þessum afleidda hita,“ segir Gísli. Eyjólfur Magnús Kristinsson, forstjóri atNorth.atNorth Styrki atvinnulífið á svæðinu Verkefnið er sagt vera liður í uppbyggingu græns iðnaðar á Akureyri og koma til með að auka fjölbreytni og fjölga störfum í hátækniiðnaði á svæðinu. Ásthildur Sturludóttir, bæjarstjóri á Akureyri, fagnar boðaðri uppbyggingu og segir hana styrkja atvinnulífið á svæðinu. „Þetta verkefni rímar vel við nýlegar innviðaframkvæmdir á Norðausturlandi sem tryggja raforkuflutning inn á svæðið. Aukið öryggi í flutningi raforku inn á Eyjafjarðarsvæðið gerir uppbyggingu af þessu tagi mögulega með öllum þeim jákvæðu samfélagsáhrifum sem fylgja,” er haft eftir Ásthildi í tilkynningu. Fyrirtækið selt í lok síðasta árs Að sögn atNorth hefur hröð tæknivæðing og stafræn þróun í atvinnulífinu, rannsóknum og gagnavistun kallað mjög á aukna gagna- og reiknigetu. Mikil eftirspurn sé eftir þjónustu gagnavera fyrirtækisins í Reykjanesbæ og Hafnarfirði. atNorth segist vera með til skoðunar að reisa risagagnaver annars staðar á Norðurlöndunum og áætluð orkuþörf þess sé um 50 megavött. Í desember 2021 var tilkynnt um kaup svissneska fjárfestingarfélagsins Partners Group, sem er skráð á markað og er eitt það stærsta sinnar tegundar í Evrópu, á atNorth. Ekki var upplýst um kaupverðið á þeim tíma en samkvæmt heimildum Innherja nam heildarvirði (e. enterprise value) atNorth í viðskiptunum um 350 milljónum Bandaríkjadala, jafnvirði 45,5 milljörðum íslenskra króna á þáverandi gengi. Fréttin hefur verið uppfærð. Akureyri Upplýsingatækni Tengdar fréttir Erlendir sjóðir keyptu þrjú íslensk gagnaver fyrir meira en 100 milljarða undir lok ársins Afar samkeppnishæft og stöðugt orkuverð, sem varð á skömmum tíma talsvert lægra hér á landi í samanburði við Evrópu þar sem það hefur hækkað skarpt á tímum faraldursins, ásamt ört vaxandi áhuga alþjóðlegra fjárfestingarsjóða á gagnaversiðnaði skilaði sér í því að þrjú stærstu gagnaverin sem eru starfrækt á Íslandi voru seld fyrir samanlagt yfir 100 milljarða króna á síðustu mánuðum ársins 2021. 9. febrúar 2022 06:02 Partners Group kaupir atNorth Alþjóðlega fjárfestingafélagið Partners Group hefur samið um kaup á hátæknifyrirtækinu atNorth sem rekur í dag þrjú gagnaver á Íslandi og í Svíþjóð. 21. desember 2021 08:55 atNorth semur um kaup á raforku í kjölfar stækkunar gagnavera Landsvirkjun og atNorth hafa undirritað nýjan raforkusamning til tveggja ára. 1. júlí 2021 09:28 Mest lesið „Krakkar sem gistu hjá okkur vissu ekki hvað var að gerast!“ Atvinnulíf Icelandair segir upp 57 flugmönnum Viðskipti innlent Hinn almenni borgari þurfi ekki að dæla í sig steinefnum Neytendur Blár Opal seldist á fimmtán þúsund Neytendur Leiðtogakulnun: Þegar yfirmaðurinn er alveg búinn á því Atvinnulíf „Sársaukafullt að sjá“ IKEA vasa dýrari í Góða hirðinum Neytendur Danir höndla ekki kóresku pakkanúðlurnar Viðskipti erlent Festi fær að kaupa Lyfju Neytendur MAST varar við ólöglegu innihaldsefni í fæðubótarefni Neytendur Níu manns sagt upp hjá Veitum Atvinnulíf Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira
AtNorth, sem hét áður Advania Data Centers, rekur gagnaver í Reykjanesbæ, Hafnarfirði og í Stokkhólmi í Svíþjóð. Eyjólfur Magnús Kristinsson, forstjóri atNorth, segir í tilkynningu að kostir þess að byggja gagnaver á Akureyri séu ótvíræðir. Á svæðinu sé til staðar mikil þekking og traust fyrirtæki sem geti veitt atNorth góða þjónustu við rekstur og viðhald á tæknibúnaði í gagnaverinu. „Héðan ætlum við bæði að þjóna innlendum og erlendum viðskiptavinum, en með gagnaveri á Akureyri getum við dreift betur áhættunni í rekstrinum. Vistun og vinnsla gagna fer þá fram á fleiri stöðum en áður, aðgengi að gagnatengingum úr landi verður betra og öryggismálum verður enn betur fyrir komið,” segir Eyjólfur Magnús. Góðar flugsamgöngur skipti líka sköpum, enda taki aðeins um klukkustund að komast frá Reykjavíkurflugvelli inn í nýtt gagnaver atNorth á Akureyri þegar verkefninu verði lokið. Vonast til að opna á fyrri helmingi næsta árs Gísli Kr. Katrínarson, framkvæmdarstjóri sölu- og markaðssviðs hjá atNorth, segir í samtali við Vísi að í fyrstu sé stefnt að því að nota tíu megavött af raforku fyrir nýja gagnaverið en við þau mörk telst iðnaður vera stórnotandi raforku. Gagnaverið verði þó í fyrstu minna í sniðum en gagnaver atNorth byggja á húseiningakerfi sem gerir fyrirtækinu kleift að stækka þau auðveldlega eftir þörfum. Gísli segir fyrirtækið nú í viðræðum við orkufyrirtæki til að kanna hversu mikil orka sé fáanleg á svæðinu. Hann bætir við að stefnt sé að því að taka nýja gagnaverið í notkun á fyrri helmingi næsta árs en það verður staðsett á iðnaðarsvæði fyrir neðan Hlíðarfjall. „Við erum búin að gera samninga við viðskiptavini í hátækniiðnaði sem þurfa ekki tíu megavött frá upphafi þannig að við höfum smá tíma til að komast upp í tíu megavött en það er stefnan okkar,“ segir Gísli. Hann auglýsir jafnframt eftir fyrirtækjum eða aðilum sem telja sig geta endurnýtt varma frá nýja gagnaverinu. Í gagnaveri atNorth í Stokkhólmi er hiti frá tölvubúnaðinum nýttur í hitaveitukerfi nærliggjandi svæðis. „Okkur hefur til dæmis dottið í hug ræktun og við höfum séð að í Noregi er hiti frá gagnaveri notaður í landeldi. Það eru ýmsir möguleikar sem skapast af þessum afleidda hita,“ segir Gísli. Eyjólfur Magnús Kristinsson, forstjóri atNorth.atNorth Styrki atvinnulífið á svæðinu Verkefnið er sagt vera liður í uppbyggingu græns iðnaðar á Akureyri og koma til með að auka fjölbreytni og fjölga störfum í hátækniiðnaði á svæðinu. Ásthildur Sturludóttir, bæjarstjóri á Akureyri, fagnar boðaðri uppbyggingu og segir hana styrkja atvinnulífið á svæðinu. „Þetta verkefni rímar vel við nýlegar innviðaframkvæmdir á Norðausturlandi sem tryggja raforkuflutning inn á svæðið. Aukið öryggi í flutningi raforku inn á Eyjafjarðarsvæðið gerir uppbyggingu af þessu tagi mögulega með öllum þeim jákvæðu samfélagsáhrifum sem fylgja,” er haft eftir Ásthildi í tilkynningu. Fyrirtækið selt í lok síðasta árs Að sögn atNorth hefur hröð tæknivæðing og stafræn þróun í atvinnulífinu, rannsóknum og gagnavistun kallað mjög á aukna gagna- og reiknigetu. Mikil eftirspurn sé eftir þjónustu gagnavera fyrirtækisins í Reykjanesbæ og Hafnarfirði. atNorth segist vera með til skoðunar að reisa risagagnaver annars staðar á Norðurlöndunum og áætluð orkuþörf þess sé um 50 megavött. Í desember 2021 var tilkynnt um kaup svissneska fjárfestingarfélagsins Partners Group, sem er skráð á markað og er eitt það stærsta sinnar tegundar í Evrópu, á atNorth. Ekki var upplýst um kaupverðið á þeim tíma en samkvæmt heimildum Innherja nam heildarvirði (e. enterprise value) atNorth í viðskiptunum um 350 milljónum Bandaríkjadala, jafnvirði 45,5 milljörðum íslenskra króna á þáverandi gengi. Fréttin hefur verið uppfærð.
Akureyri Upplýsingatækni Tengdar fréttir Erlendir sjóðir keyptu þrjú íslensk gagnaver fyrir meira en 100 milljarða undir lok ársins Afar samkeppnishæft og stöðugt orkuverð, sem varð á skömmum tíma talsvert lægra hér á landi í samanburði við Evrópu þar sem það hefur hækkað skarpt á tímum faraldursins, ásamt ört vaxandi áhuga alþjóðlegra fjárfestingarsjóða á gagnaversiðnaði skilaði sér í því að þrjú stærstu gagnaverin sem eru starfrækt á Íslandi voru seld fyrir samanlagt yfir 100 milljarða króna á síðustu mánuðum ársins 2021. 9. febrúar 2022 06:02 Partners Group kaupir atNorth Alþjóðlega fjárfestingafélagið Partners Group hefur samið um kaup á hátæknifyrirtækinu atNorth sem rekur í dag þrjú gagnaver á Íslandi og í Svíþjóð. 21. desember 2021 08:55 atNorth semur um kaup á raforku í kjölfar stækkunar gagnavera Landsvirkjun og atNorth hafa undirritað nýjan raforkusamning til tveggja ára. 1. júlí 2021 09:28 Mest lesið „Krakkar sem gistu hjá okkur vissu ekki hvað var að gerast!“ Atvinnulíf Icelandair segir upp 57 flugmönnum Viðskipti innlent Hinn almenni borgari þurfi ekki að dæla í sig steinefnum Neytendur Blár Opal seldist á fimmtán þúsund Neytendur Leiðtogakulnun: Þegar yfirmaðurinn er alveg búinn á því Atvinnulíf „Sársaukafullt að sjá“ IKEA vasa dýrari í Góða hirðinum Neytendur Danir höndla ekki kóresku pakkanúðlurnar Viðskipti erlent Festi fær að kaupa Lyfju Neytendur MAST varar við ólöglegu innihaldsefni í fæðubótarefni Neytendur Níu manns sagt upp hjá Veitum Atvinnulíf Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira
Erlendir sjóðir keyptu þrjú íslensk gagnaver fyrir meira en 100 milljarða undir lok ársins Afar samkeppnishæft og stöðugt orkuverð, sem varð á skömmum tíma talsvert lægra hér á landi í samanburði við Evrópu þar sem það hefur hækkað skarpt á tímum faraldursins, ásamt ört vaxandi áhuga alþjóðlegra fjárfestingarsjóða á gagnaversiðnaði skilaði sér í því að þrjú stærstu gagnaverin sem eru starfrækt á Íslandi voru seld fyrir samanlagt yfir 100 milljarða króna á síðustu mánuðum ársins 2021. 9. febrúar 2022 06:02
Partners Group kaupir atNorth Alþjóðlega fjárfestingafélagið Partners Group hefur samið um kaup á hátæknifyrirtækinu atNorth sem rekur í dag þrjú gagnaver á Íslandi og í Svíþjóð. 21. desember 2021 08:55
atNorth semur um kaup á raforku í kjölfar stækkunar gagnavera Landsvirkjun og atNorth hafa undirritað nýjan raforkusamning til tveggja ára. 1. júlí 2021 09:28