Innlent

For­seta­frúin fundaði með Joe og Jill Biden

Árni Sæberg skrifar
Forsetafrúin ásamt Joe og Jill Biden.
Forsetafrúin ásamt Joe og Jill Biden. Skrifstofa forseta Íslands

Eliza Reid forsetafrú fundaði með Jill Biden, forsetafrú Bandaríkjanna um jafnréttismál í Hvíta húsinu í Washington í dag. Eiginmaður Jill, sjálfur Bandaríkjaforseti, kom einnig til fundarins og ræddi við Elizu.

Fundur forsetafrúnna tengdist einu helsta áherslumáli í utanríkisstefnu Íslands, sem err jafnréttismál, að því er segir í tilkynningu frá skrifstofu forseta Íslands.

Hvíta húsið tilkynnti í dag um aðgerðir sem grípa á til sem ætlað er að jafna launamun kynjanna, en Ísland þykir fyrirmynd í þeim efnum, enda hefur það setið í efsta sæti á kynjajafnréttislista Alþjóðaefnahagsráðsins í tólf ár samfleytt.

Að loknum fundi var Elizu boðið til móttöku í Hvíta húsinu þar sem forsetahjónin bandarísku kynntu aðgerðirnar.

Jafnréttismál Forseti Íslands Bandaríkin Joe Biden Íslendingar erlendis Guðni Th. Jóhannesson
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið