Íslenski boltinn

Liðsfélagarnir þurftu að hressa Blikann við eftir að hann innsiglaði þrennuna sína

Óskar Ófeigur Jónsson skrifar
Jason Daði Svanþórsson skoraði þrennu í síðasta leik Blika í Lengjubikarnum í ár þrátt fyrir að koma ekki inn á völlinn fyrr en hálftími var eftir.
Jason Daði Svanþórsson skoraði þrennu í síðasta leik Blika í Lengjubikarnum í ár þrátt fyrir að koma ekki inn á völlinn fyrr en hálftími var eftir. Vísir/Hulda Margrét

Leikmenn eru oftast mjög kátir þegar þeir skora annað og þriðja mark sitt í leik en það leit ekki út fyrir það hjá einum efnilegum leikmanni Blika.

Blikinn Jason Daði Svanþórsson bauð upp á varamannaþrennu þegar Breiðablik vann lokaleik sinn í riðlakeppni Lengjubikarsins í fótbolta um helgina.

Breiðablik vann þar 3-0 sigur á KV og komust með því í toppsætið. Stjarnan náði hins vegar toppsætinu af þeim með sigri á ÍA í gærkvöldi og fer því í undanúrslitin.

Svekktur en var samt að skora.S2 Sport

Jason Daði kom inn á sem varamaður eftir klukkutímaleik og staðan var þá enn markalaus.

Jason skoraði fyrsta markið sitt á 81. mínútu og kom Blikum síðan í 2-0 tveimur mínútum síðar. Jason skoraði síðan síðasta mark sitt og innsiglaði þrennuna þegar hann fylgdi eftir eigin vítaspyrnu.

Jason var nokkuð sáttur með fyrsta markið sitt en viðbrögð hans voru að allt öðrum toga eftir hin tvö mörkin.

Eftir annað markið hristi hann hausinn eitthvað óánægður með sjálfan sig þrátt fyrir að hafa leikið laglega á varnarmann KV áður en hann skoraði.

Ekki voru viðbrögð hans mikið gleðilegri eftir þriðja markið en þá hafði Jason auðvitað látið verja frá sér vítið. Jason var fljótur að átta sig og kom frákastinu yfir marklínuna. Það þurfti liðsfélaga hana til að hressa hann við og færa honum boltann eins og venjan er hjá þeim sem skora þrennu.

Það má sjá mörkin hans Jason og ekki fagnaðarlætin hans hér fyrir neðan.

Klippa: Varamannaþrenna Jasons Daða



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.