Tesla firrar sig ábyrgð: Situr uppi með milljóna króna tjón eftir að hafa ekið í poll Hólmfríður Gísladóttir skrifar 3. mars 2022 11:02 Hafþór bíður nú eftir nýrri rafhlöðu í Tesluna en kostnaður við hana og viðgerðina er áætlaður um fjórar milljónir króna. Það er helmingur kaupverðs bifreiðarinnar, sem var keypt í desember. Vísir/Vilhelm Samkvæmt ábyrgðarskilmálum Tesla ber fyrirtækið ekki ábyrgð á tjónum sem verða þegar Teslu-bifreið er ekið í vatn sem er dýpra en 20 sentímetrar. Þetta segir Hafþór Pálsson, sem varð fyrir því að glæný Tesla tjónaðist þegar hann ók í poll á dögunum. Hafþór, sem hefur átt nokkra rafbíla, bæði frá Nissan og Tesla, segir málið vekja spurningar um það hvort Tesla-bifreiðar þoli akstur við íslenskar aðstæður. Atvik voru þau að bifreiðin var að koma af Sæbraut og upp slaufuna í átt að Ártúnsbrekku þegar hún fer í poll í hægri beygjunni. Ekkert gerist fyrst um sinn en skömmu síðar „deyr bíllinn“ að sögn Hafþórs og það kemur upp villumelding um að ekki sé nægt rafmagn á bílnum til að styðja allar aðgerðir. „Síðan reyni ég allt til að koma honum í gang aftur og sirka 40 mínútum seinna segir að 12 volta batteríið sé ónýtt og það verði ekki fleira gert. Og þá slökknar alfarið á bílnum; þá deyr hann alveg,“ sagði Hafþór í samtali við Bítið á Bylgjunni í morgun. Varnarbúnaður eyðilagði aðalrafhlöðuna Hafþór útskýrir bilunina sem svo að yfirleitt sé það þannig með rafbíla að ef eitthvað bilar þá tengist það í flestum tilvikum 12 volta batteríinu, sem sér flestum búnaði bifreiðarinnar fyrir rafmagni. Aðalrafhlaða bifreiðarinnar sér til þess að knýja bifreiðina sjálfa. Úr því sem komið var sá Hafþór sér ekki annað fært í stöðunni en að láta draga bifreiðina á verkstæði. Greining stóð yfir í um sólahring en í ljós kom að 12 volta batteríið var ekki ónýtt eftir allt saman. Hins vegar hefði komist raki inn að aðalrafhlöðunni, sem varð til þess að varnarbúnaður Teslunnar rauf tenginguna við rafhlöðuna, með þeim afleiðingum að hún eyðilagðist. Hafþór segist fyrst hafa fengið þau svör hjá Tesla á Íslandi að það væru allar líkur á að um væri að ræða ábyrgðatjón sem hann fengi bætt. Það breyttist hins vegar þegar á leið og tæknimenn og lögmenn erlendis vildu meina að ekki væri um ábyrgðatjón að ræða. Endanleg niðurstaða varð sú að til þess að raki næði jafn langt inn og gerðist hefði pollurinn þurft að vera minnsta kosti 20 sentímetra djúpur en í ábyrgðarskilmálum væri kveðið á um að Tesla bæri ekki ábyrgð á tjóni sem yrði eftir akstur í gegnum vatn af þeirri dýpt. „Eins og ég man þá eru held ég sextán sentímetrar undir bílinn og þá eru þetta kannski fjórir sentímetrar fyrir ofan. Þannig að ef Tesla-bíll, samkvæmt ábyrgðarskilmálum sem nota bene ég hef ekki lesið... Tesla aðilinn á Íslandi segir mér að þá er hann úr ábyrgð ef tjón verður við það að aka í dýpri poll en 20 sentímetrar,“ segir Hafþór. „Þetta er ekki í lagi“ Hafþór segist hafa orðið „bit“ og hafa fengið sömu viðbrögð hjá Félagi íslenskra bifreiðaeigenda. Staðan nú sé sú að hann sé búinn að fá nei hjá Tesla og sé óviss um hvort hann fái tjónið bætt hjá tryggingunum þar sem tjónið sé klárlega ábyrgðatjón. Bíllinn, sem er af tegundinni Y og var keyptur í desember, hafi kostað 8,5 milljónir króna en tjónið geti numið um fjórum milljónum. Að sögn Hafþórs veit hann um tvo aðra Teslu-eigendur sem lentu í samskonar tjóni í sama votviðrinu. „Eftir þessa reynslu... þá er klárlega einhver hönnunargalli í bílnum miðað við íslenskar aðstæður,“ sagði Hafþór spurður um afstöðu sína til Teslu eftir það sem á undan væri gengið. „Það er talað um að þessir bílar hafi verið óralengi í notkun í Noregi... en eru svona miklar hlákur þar? Stórir pollar, stöðuvötn sem myndast skyndilega á götum eins og hérna á Íslandi?“ „Ég held að þetta sé stórathugavert; þetta er ekki í lagi.“ Neytendur Vistvænir bílar Tesla Bílar Bítið Veður Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Ákærður fyrir að nauðga barni frá því að það var tveggja ára Innlent „Honum var kastað til hliðar eins og hverju öðru drasli“ Innlent Baðst afsökunar á miður fallegum orðum í garð annarra verjenda Innlent „Enginn engill“ en heldur ekki morðingi Innlent Verjandi Lúkasar: „Þetta er bissness, þetta er viðskiptahugmynd“ Innlent Afhjúpaði eigin njósnara á X Erlent Líkur á hellidembu, þrumum og eldingum suðvestantil Veður Lýsa yfir vantrausti á Sönnu og segja hana ætla að stofna nýjan flokk Innlent Fleiri fréttir Byrja að dæla heitu aftur fyrir klukkan tíu Baðst afsökunar á miður fallegum orðum í garð annarra verjenda Sjö eldislaxar fundist í fjórum ám Starfsmaður Héraðssaksóknara með stöðu sakbornings Lýsa yfir vantrausti á Sönnu og segja hana ætla að stofna nýjan flokk „Enginn engill“ en heldur ekki morðingi Hefur þekkt soninn lengur en ráðherrann Verjandi Lúkasar: „Þetta er bissness, þetta er viðskiptahugmynd“ Aðeins 22 prósent nemenda Fellaskóla með viðeigandi færni í lestri Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram á kvöld Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Sjá meira
Hafþór, sem hefur átt nokkra rafbíla, bæði frá Nissan og Tesla, segir málið vekja spurningar um það hvort Tesla-bifreiðar þoli akstur við íslenskar aðstæður. Atvik voru þau að bifreiðin var að koma af Sæbraut og upp slaufuna í átt að Ártúnsbrekku þegar hún fer í poll í hægri beygjunni. Ekkert gerist fyrst um sinn en skömmu síðar „deyr bíllinn“ að sögn Hafþórs og það kemur upp villumelding um að ekki sé nægt rafmagn á bílnum til að styðja allar aðgerðir. „Síðan reyni ég allt til að koma honum í gang aftur og sirka 40 mínútum seinna segir að 12 volta batteríið sé ónýtt og það verði ekki fleira gert. Og þá slökknar alfarið á bílnum; þá deyr hann alveg,“ sagði Hafþór í samtali við Bítið á Bylgjunni í morgun. Varnarbúnaður eyðilagði aðalrafhlöðuna Hafþór útskýrir bilunina sem svo að yfirleitt sé það þannig með rafbíla að ef eitthvað bilar þá tengist það í flestum tilvikum 12 volta batteríinu, sem sér flestum búnaði bifreiðarinnar fyrir rafmagni. Aðalrafhlaða bifreiðarinnar sér til þess að knýja bifreiðina sjálfa. Úr því sem komið var sá Hafþór sér ekki annað fært í stöðunni en að láta draga bifreiðina á verkstæði. Greining stóð yfir í um sólahring en í ljós kom að 12 volta batteríið var ekki ónýtt eftir allt saman. Hins vegar hefði komist raki inn að aðalrafhlöðunni, sem varð til þess að varnarbúnaður Teslunnar rauf tenginguna við rafhlöðuna, með þeim afleiðingum að hún eyðilagðist. Hafþór segist fyrst hafa fengið þau svör hjá Tesla á Íslandi að það væru allar líkur á að um væri að ræða ábyrgðatjón sem hann fengi bætt. Það breyttist hins vegar þegar á leið og tæknimenn og lögmenn erlendis vildu meina að ekki væri um ábyrgðatjón að ræða. Endanleg niðurstaða varð sú að til þess að raki næði jafn langt inn og gerðist hefði pollurinn þurft að vera minnsta kosti 20 sentímetra djúpur en í ábyrgðarskilmálum væri kveðið á um að Tesla bæri ekki ábyrgð á tjóni sem yrði eftir akstur í gegnum vatn af þeirri dýpt. „Eins og ég man þá eru held ég sextán sentímetrar undir bílinn og þá eru þetta kannski fjórir sentímetrar fyrir ofan. Þannig að ef Tesla-bíll, samkvæmt ábyrgðarskilmálum sem nota bene ég hef ekki lesið... Tesla aðilinn á Íslandi segir mér að þá er hann úr ábyrgð ef tjón verður við það að aka í dýpri poll en 20 sentímetrar,“ segir Hafþór. „Þetta er ekki í lagi“ Hafþór segist hafa orðið „bit“ og hafa fengið sömu viðbrögð hjá Félagi íslenskra bifreiðaeigenda. Staðan nú sé sú að hann sé búinn að fá nei hjá Tesla og sé óviss um hvort hann fái tjónið bætt hjá tryggingunum þar sem tjónið sé klárlega ábyrgðatjón. Bíllinn, sem er af tegundinni Y og var keyptur í desember, hafi kostað 8,5 milljónir króna en tjónið geti numið um fjórum milljónum. Að sögn Hafþórs veit hann um tvo aðra Teslu-eigendur sem lentu í samskonar tjóni í sama votviðrinu. „Eftir þessa reynslu... þá er klárlega einhver hönnunargalli í bílnum miðað við íslenskar aðstæður,“ sagði Hafþór spurður um afstöðu sína til Teslu eftir það sem á undan væri gengið. „Það er talað um að þessir bílar hafi verið óralengi í notkun í Noregi... en eru svona miklar hlákur þar? Stórir pollar, stöðuvötn sem myndast skyndilega á götum eins og hérna á Íslandi?“ „Ég held að þetta sé stórathugavert; þetta er ekki í lagi.“
Neytendur Vistvænir bílar Tesla Bílar Bítið Veður Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Ákærður fyrir að nauðga barni frá því að það var tveggja ára Innlent „Honum var kastað til hliðar eins og hverju öðru drasli“ Innlent Baðst afsökunar á miður fallegum orðum í garð annarra verjenda Innlent „Enginn engill“ en heldur ekki morðingi Innlent Verjandi Lúkasar: „Þetta er bissness, þetta er viðskiptahugmynd“ Innlent Afhjúpaði eigin njósnara á X Erlent Líkur á hellidembu, þrumum og eldingum suðvestantil Veður Lýsa yfir vantrausti á Sönnu og segja hana ætla að stofna nýjan flokk Innlent Fleiri fréttir Byrja að dæla heitu aftur fyrir klukkan tíu Baðst afsökunar á miður fallegum orðum í garð annarra verjenda Sjö eldislaxar fundist í fjórum ám Starfsmaður Héraðssaksóknara með stöðu sakbornings Lýsa yfir vantrausti á Sönnu og segja hana ætla að stofna nýjan flokk „Enginn engill“ en heldur ekki morðingi Hefur þekkt soninn lengur en ráðherrann Verjandi Lúkasar: „Þetta er bissness, þetta er viðskiptahugmynd“ Aðeins 22 prósent nemenda Fellaskóla með viðeigandi færni í lestri Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram á kvöld Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Sjá meira