Tónlist

Ljósið og Með hækkandi sól í úrslit

Eiður Þór Árnason skrifar
Aðdáendur Söngvakeppninnar fá að heyra lögin aftur á úrslitakvöldinu þann 12. mars.
Aðdáendur Söngvakeppninnar fá að heyra lögin aftur á úrslitakvöldinu þann 12. mars. RÚV

Ljósið í flutningi Stefáns Óla og Með hækkandi sól í flutningi systranna Siggu, Betu og Elínar fóru áfram í úrslit Söngvakeppninnar í kvöld.

Fyrri undanúrslit Söngvakeppninnar fóru fram í kvikmyndaverinu í Gufunesi í kvöld og kepptu fimm lög um að verða framlag Íslands í Eurovision sem fram fer í Tórínó á Ítalíu þetta árið.

Áðurnefnd lög hlutu flest atkvæði í símakosningu í kvöld og fara beint í úrslit. Önnur tvö lög verða valin áfram næsta laugardagskvöld í seinni undanúrslitum. Auk þeirra hefur framkvæmdastjórn keppninnar leyfi til að hleypa einu lagi áfram til viðbótar telji hún það einnig eiga erindi í úrslitin.

Lögin sem komust ekki áfram í kvöld voru Don't You Know með Amarosis, Gía með Haffa Haff og Hjartað mitt í flutningi Stefaníu Svavarsdóttur. Eitt þeirra á enn möguleika á því að komast í úrslitin ef atriðið er valið af framkvæmdastjórn keppninnar. 


Tengdar fréttir

Þetta eru lögin sem keppa í Söngva­keppninni 2022

Tíu lög hafa verið valin til þátttöku í Söngvakeppninni 2022. Fimm lög keppa á fyrra undanúrslitakvöldinu laugardaginn 26. febrúar og restin viku síðar í seinni undanúrslitum þann 5. mars.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.