Handbolti

Einar Bragi búinn að semja við FH

Sindri Sverrisson skrifar
Einar Bragi Aðalsteinsson hefur slegið í gegn í Olís-deildinni í vetur.
Einar Bragi Aðalsteinsson hefur slegið í gegn í Olís-deildinni í vetur. vísir/vilhelm

Einar Bragi Aðalsteinsson, sem skotist hefur upp á stjörnuhimininn í Olís-deild karla í handbolta í vetur, fer í sumar frá HK til FH.

Þetta kom fram hjá Stefáni Árna Pálssyni, þáttastjórnanda Seinni Bylgjunnar, í þætti kvöldsins.

Einar Bragi er aðeins 19 ára gamall en hann er í fjórða sæti yfir flest mörk skoruð að meðaltali í leik í Olís-deildinni í vetur, með 6,5 mörk í leik. 

Hann skoraði til að mynda 16 mörk í Vestmannaeyjum í desember, í 39-39 jafntefli við ÍBV, og var leikmaður mánaðarins hjá HB Statz.

Fátt annað en fall úr Olís-deildinni blasir við HK eftir tap liðsins gegn Gróttu í gærkvöld. HK er í næstneðsta sæti með 3 stig eftir 15 leiki af 22, sex stigum á eftir næsta liði sem er einmitt Grótta. 

FH er aftur á móti á toppi deildarinnar með 24 stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.