Eyjamenn í átta liða úrslit eftir öruggan sigur

Eyjamenn komu inn í leikinn af krafti og náðu fljótt góðu forskoti. Þeir ætluðu sér greinilega ekki að gefa Kórdrengjum möguleika á því að vinna óvæntan bikarsigur og fóru með sjö marka forystu inn í hálfleikinn, 19-12.

Gestirnir í ÍBV gátu því leyft sér að slaka aðeins á í síðari hálfleik, en þrátt fyrir það juku Eyjamenn forskot sitt lítillega. ÍBV tryggði sér að lokum öruggan níu marka sigur, 30-21.

ÍBV mætir Selfyssingum í átta liða úrslitum Coca Cola bikarsins í sannkölluðum suðurlandsslag.