Hjónin Javier Bardem og Penelope Cruz fengu bæði tilnefningu til Óskarsins

Það hefur sjaldan gerst í gegnum tíðina að par hafi verið tilnefnt sama árið til verðlaunanna fyrir leik sinn. Þess vegna er skemmtileg tilviljun að parið Kristen Dunst og Jesse Plemons eru líka bæði tilnefnd fyrir leik sinn á hátíðinni í ár. 

Michael Fassbander og Alicia Vikander voru bæði tilnefnd fyrir leik sinn árið 2016 og þar áður voru það Brad Pitt og Angelina Jolie sem voru einnig tilnefnd fyrir sín hlutverk. Heath Ledger og Michelle Williams hlutu bæði tilnefningu 2006 en unnu hvorug líkt og Brad og Angelina upplifðu svo þremur árum síðar. 

Það þarf svo að fara aftur til ársins 1986 til þess að finna par sem var tilnefnt fyrir leik sinn sama árið en þá voru það Anjelica Huston og Jack Nicholson sem voru bæði tilnefnd fyrir myndina Prizzi's Honor sem þau léku í saman.