Sögur um meint vændisviðskipti trufla Kára ekki en börnum hans er ekki skemmt Jakob Bjarnar skrifar 4. febrúar 2022 13:18 Kári Stefánsson og Þóra Kristín Ásgeirsdóttir á tröppum stjórnarráðsins. Kári segir umræðuna orðna afar lágkúrulega og þegar hún er farin að tengjast stjórnarkjöri í samtökum sem vilja berjast gegn fíknisjúkdómum, sé um að ræða yfirgengilegt skítkast. vísir/vilhelm Kára Stefánssyni þykir einkennilegt að þurfi að sverja af viðskipti við vændiskonu en engu slíku sé til að dreifa. „Málið er að ég hefði getað sparað Eddu Falak ómakið, ég kann mjög margar sögur um Kára Stefánsson og fleiri en flestir. En þetta er komið á skrítinn level, að auglýsa eftir kjaftasögum,“ segir Kári Stefánsson forstjóri Íslenskrar erfðagreiningar. Kári sagði sig úr stjórn SÁÁ í gær ásamt Þóru Kristínu Ásgeirsdóttur sem jafnframt dró framboð sitt til formanns samtakanna til baka. SÁÁ hefur siglt ólgusjó að undanförnu. Einar Hermannsson sagði sig frá formennsku eftir að fram kom frásögn konu sem var skjólstæðingur SÁÁ og hafði selt honum vændi. Áður höfðu Sjúkratryggingar Íslands sett fram kröfu á endurgreiðslu þess sem SÍ flokkar sem tilhæfulausa reikninga frá samtökunum. Kornið sem fyllti mælinn hjá þeim Kára og Þóru Kristínu var fyrirspurn sem Arnþór Jónsson, fyrrverandi formaður, sem nú hefur sagt sig úr stjórn, varpaði fram og sendi á 48 manna stjórn SÁÁ; hvort Kári væri maðurinn sem Edda Falak hlaðvarpsstjóri væri að tala um þegar hún auglýsti eftir sögum af ónefndum manni sem átt hefði í vændisviðskiptum við konu sem „lenti í vændi“, eins og Edda orðar það. Segist ekki hafa stundað vændiskaup „Ég hlakka til að heyra þessar sögur. En hver var spurningin?“ spyr Kári blaðamann Vísis. Í fjölmiðlum nú er talað um „meint vændiskaup“ Kára sem segir að allt fari þetta nú eftir því eftir hverju er verið að leita. Ljóst er að honum þykir afar einkennilegt að vera kominn í þá stöðu að þurfa að svara fyrir það. „Þar sem ég veit hvað ég hef gert, þá truflar þetta mig ekki að öðru leyti en því að mér finnst umræðan komin niður á lágan level. Ég á hins vegar börn, þetta truflar þau. Þeim finnst þetta óþægilegt og þeim líður illa út af þessu. Það er það eina sem ég get sagt. Sannleikurinn kemur í ljós einhvern tíma, einhver verður að koma með sönnun þess að ég hafi stundað vændiskaup – sem ég hef ekki gert.“ Kári segir umræðuna komna á afar lágkúrulegan stað. Og þegar hún er sett í samhengi við stjórnarkjör samtaka fólks sem er að reyna að byggja upp meðferð við fíknisjúkdómum, þá sé slíkt skítkast fyrir neðan allar hellur. Ófriðinn megi rekja til óþreyju Þórarins Tyrfingssonar Kári telur að rætur illdeilna innan SÁÁ megi rekja til þess að Þórarinn Tyrfingsson, fyrrverandi yfirlæknir á Vogi og formaður SÁÁ, kom að stofnun SÁÁ á sínum tíma. Og tók virkan þátt í uppbyggingu samtakanna. „Hann vann þrekvirki og gerði það á flottan og hetjulegan hátt. Svo ákveður hann að fara á eftirlaun 2017 og það reynist honum erfiðara en hann hélt. Hann getur ekki hætt að hafa skoðanir á því sem fólkið er að gera sem er að stjórna þessu meðferðarsviði. Og hann fer, að mati fólksins sem vinnur þar núna, að fikta í þessu, trufla þetta og vera erfiður þeim.“ Kári Stefánsson segir að sannleikurinn hljóti að koma fram. Honum er sama um kjaftasögur en það sé verra með börn hans sem taka slíkt nærri sér.vísir/vilhelm Kári segir það svo hafa endað með því á síðasta aðalfundi að Þórarinn eigi ekki sæti í stjórn. Það eigi hins vegar Arnþór Jónsson sem er handgenginn Þórarni. „Arnþór fer að punda ásökunum á stjórnina um allt milli himins og jarðar. Um ásakanir frá Sjúkratryggingum Íslands um að óreiða hafi verið á því hvernig reikningar eru sendir til SÍ, og staðreyndin er sú að líklega var þar óreiða.“ Fráleitt að hann vilji leggja SÁÁ undir sig Kári segir það hins vegar staðreynd að allir hafi þurft að snúa sér að fjarþjónustu á Covid-tímum. Allt það fé sem rukkað var og fengið frá SÍ hafi farið í að borga þjónustu fyrir sjúklinga SÁÁ. Enginn hafi dregið sér fé og SÁÁ hafi ekki fengið neinn sérstakan fjárstuðning frá ríkinu til að takast á við Covid. „Ég skil hvaðan Þórarinn er að koma, hann hafði lagt sitt hjarta og sál í að byggja þetta upp og honum fannst óþægilegt að þetta væri komið í hendurnar á fólki sem hafði aðra skoðun en hann sjálfur.“ Kári segir að því hafi verið haldið fram í lokaðri Facebook-grúbbu að hann vilji taka yfir SÁÁ. „Hvers vegna ætti ég að vilja það? Ég hef haft talsverð samskipti við SÁÁ því fólk í minni fjölskyldu hefur mátt kljást við fíknisjúkdóma sem hafa meira að segja lagt að velli fólk í sumum tilfellum. En það síðasta í heiminum sem mig myndi langa til er að taka yfir SÁÁ.“ Kári segist hafa setið í stjórn en aldrei mætt á fund því honum þyki fundir heldur leiðinlegir. Fjölmiðlar verkfæri Eddu Falak En nú situr Kári uppi með þann Svarta-Pétur að teljast meintur vændiskaupandi. „Já. Þessi sagnaíþrótt sem Edda Falak hefur lagst í núna, að auglýsa eftir sögum um fólk, hún er ekki beinlínis falleg,“ segir Kári. Og það sem meira er, fjölmiðlar taki við því kefli. Edda Falak. Kára segir það sérkennilegan frásagnarmáta að auglýsa eftir slúðursögum um ónafngreinda menn. Og svo taki fjölmiðlar við keflinu.Vísir/Vilhelm Gunnarsson „Sú aðferð sem fjölmiðlarnir hafa notað til að taka á þessu síðasta sólarhringinn er sú að þeir eru að nota aðferðir Eddu Falak „by proxy“ (þegar allt kemur til alls); með því að segja fréttir af auglýsingu Eddu Falak þar sem hún auglýsir eftir sögum um ónafngreinda menn, og býður uppá allskyns getgátur sem fjölmiðlar hlaupa á eftir. Sem er svo notað sem vopn í átökum fólks á milli um alls óskyld mál.“ Kári segist svo sem gera sér grein fyrir því að fjölmiðlar séu í erfiðri stöðu. „Til að byrja með fannst mér Edda Falak vera að vinna gott verk með því að veita konum rödd. En þegar hún er að auglýsa eftir sögum er hún ekki að veita þeim rödd, heldur búa til rödd,“ segir Kári. SÁÁ Fíkn Samfélagsmiðlar Fjölmiðlar Vændi MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Ætlar alla leið í baráttu fyrir nafninu sínu Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Fresta íbúakosningu í Ölfusi um mölunarverksmiðju Innlent Veiðileyfasali fékk engar bætur dæmdar fyrir þjófnað í Kjarrá Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
„Málið er að ég hefði getað sparað Eddu Falak ómakið, ég kann mjög margar sögur um Kára Stefánsson og fleiri en flestir. En þetta er komið á skrítinn level, að auglýsa eftir kjaftasögum,“ segir Kári Stefánsson forstjóri Íslenskrar erfðagreiningar. Kári sagði sig úr stjórn SÁÁ í gær ásamt Þóru Kristínu Ásgeirsdóttur sem jafnframt dró framboð sitt til formanns samtakanna til baka. SÁÁ hefur siglt ólgusjó að undanförnu. Einar Hermannsson sagði sig frá formennsku eftir að fram kom frásögn konu sem var skjólstæðingur SÁÁ og hafði selt honum vændi. Áður höfðu Sjúkratryggingar Íslands sett fram kröfu á endurgreiðslu þess sem SÍ flokkar sem tilhæfulausa reikninga frá samtökunum. Kornið sem fyllti mælinn hjá þeim Kára og Þóru Kristínu var fyrirspurn sem Arnþór Jónsson, fyrrverandi formaður, sem nú hefur sagt sig úr stjórn, varpaði fram og sendi á 48 manna stjórn SÁÁ; hvort Kári væri maðurinn sem Edda Falak hlaðvarpsstjóri væri að tala um þegar hún auglýsti eftir sögum af ónefndum manni sem átt hefði í vændisviðskiptum við konu sem „lenti í vændi“, eins og Edda orðar það. Segist ekki hafa stundað vændiskaup „Ég hlakka til að heyra þessar sögur. En hver var spurningin?“ spyr Kári blaðamann Vísis. Í fjölmiðlum nú er talað um „meint vændiskaup“ Kára sem segir að allt fari þetta nú eftir því eftir hverju er verið að leita. Ljóst er að honum þykir afar einkennilegt að vera kominn í þá stöðu að þurfa að svara fyrir það. „Þar sem ég veit hvað ég hef gert, þá truflar þetta mig ekki að öðru leyti en því að mér finnst umræðan komin niður á lágan level. Ég á hins vegar börn, þetta truflar þau. Þeim finnst þetta óþægilegt og þeim líður illa út af þessu. Það er það eina sem ég get sagt. Sannleikurinn kemur í ljós einhvern tíma, einhver verður að koma með sönnun þess að ég hafi stundað vændiskaup – sem ég hef ekki gert.“ Kári segir umræðuna komna á afar lágkúrulegan stað. Og þegar hún er sett í samhengi við stjórnarkjör samtaka fólks sem er að reyna að byggja upp meðferð við fíknisjúkdómum, þá sé slíkt skítkast fyrir neðan allar hellur. Ófriðinn megi rekja til óþreyju Þórarins Tyrfingssonar Kári telur að rætur illdeilna innan SÁÁ megi rekja til þess að Þórarinn Tyrfingsson, fyrrverandi yfirlæknir á Vogi og formaður SÁÁ, kom að stofnun SÁÁ á sínum tíma. Og tók virkan þátt í uppbyggingu samtakanna. „Hann vann þrekvirki og gerði það á flottan og hetjulegan hátt. Svo ákveður hann að fara á eftirlaun 2017 og það reynist honum erfiðara en hann hélt. Hann getur ekki hætt að hafa skoðanir á því sem fólkið er að gera sem er að stjórna þessu meðferðarsviði. Og hann fer, að mati fólksins sem vinnur þar núna, að fikta í þessu, trufla þetta og vera erfiður þeim.“ Kári Stefánsson segir að sannleikurinn hljóti að koma fram. Honum er sama um kjaftasögur en það sé verra með börn hans sem taka slíkt nærri sér.vísir/vilhelm Kári segir það svo hafa endað með því á síðasta aðalfundi að Þórarinn eigi ekki sæti í stjórn. Það eigi hins vegar Arnþór Jónsson sem er handgenginn Þórarni. „Arnþór fer að punda ásökunum á stjórnina um allt milli himins og jarðar. Um ásakanir frá Sjúkratryggingum Íslands um að óreiða hafi verið á því hvernig reikningar eru sendir til SÍ, og staðreyndin er sú að líklega var þar óreiða.“ Fráleitt að hann vilji leggja SÁÁ undir sig Kári segir það hins vegar staðreynd að allir hafi þurft að snúa sér að fjarþjónustu á Covid-tímum. Allt það fé sem rukkað var og fengið frá SÍ hafi farið í að borga þjónustu fyrir sjúklinga SÁÁ. Enginn hafi dregið sér fé og SÁÁ hafi ekki fengið neinn sérstakan fjárstuðning frá ríkinu til að takast á við Covid. „Ég skil hvaðan Þórarinn er að koma, hann hafði lagt sitt hjarta og sál í að byggja þetta upp og honum fannst óþægilegt að þetta væri komið í hendurnar á fólki sem hafði aðra skoðun en hann sjálfur.“ Kári segir að því hafi verið haldið fram í lokaðri Facebook-grúbbu að hann vilji taka yfir SÁÁ. „Hvers vegna ætti ég að vilja það? Ég hef haft talsverð samskipti við SÁÁ því fólk í minni fjölskyldu hefur mátt kljást við fíknisjúkdóma sem hafa meira að segja lagt að velli fólk í sumum tilfellum. En það síðasta í heiminum sem mig myndi langa til er að taka yfir SÁÁ.“ Kári segist hafa setið í stjórn en aldrei mætt á fund því honum þyki fundir heldur leiðinlegir. Fjölmiðlar verkfæri Eddu Falak En nú situr Kári uppi með þann Svarta-Pétur að teljast meintur vændiskaupandi. „Já. Þessi sagnaíþrótt sem Edda Falak hefur lagst í núna, að auglýsa eftir sögum um fólk, hún er ekki beinlínis falleg,“ segir Kári. Og það sem meira er, fjölmiðlar taki við því kefli. Edda Falak. Kára segir það sérkennilegan frásagnarmáta að auglýsa eftir slúðursögum um ónafngreinda menn. Og svo taki fjölmiðlar við keflinu.Vísir/Vilhelm Gunnarsson „Sú aðferð sem fjölmiðlarnir hafa notað til að taka á þessu síðasta sólarhringinn er sú að þeir eru að nota aðferðir Eddu Falak „by proxy“ (þegar allt kemur til alls); með því að segja fréttir af auglýsingu Eddu Falak þar sem hún auglýsir eftir sögum um ónafngreinda menn, og býður uppá allskyns getgátur sem fjölmiðlar hlaupa á eftir. Sem er svo notað sem vopn í átökum fólks á milli um alls óskyld mál.“ Kári segist svo sem gera sér grein fyrir því að fjölmiðlar séu í erfiðri stöðu. „Til að byrja með fannst mér Edda Falak vera að vinna gott verk með því að veita konum rödd. En þegar hún er að auglýsa eftir sögum er hún ekki að veita þeim rödd, heldur búa til rödd,“ segir Kári.
SÁÁ Fíkn Samfélagsmiðlar Fjölmiðlar Vændi MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Ætlar alla leið í baráttu fyrir nafninu sínu Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Fresta íbúakosningu í Ölfusi um mölunarverksmiðju Innlent Veiðileyfasali fékk engar bætur dæmdar fyrir þjófnað í Kjarrá Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira