Innlent

Net­á­rás lamaði starf­semina í allan dag

Vésteinn Örn Pétursson skrifar
Starfsemi heildsalanna hefur legið niðri í dag vegna árásarinnar.
Starfsemi heildsalanna hefur legið niðri í dag vegna árásarinnar.

Umfangsmikil netárás var gerð á heildsölur Ó. Johnson & Kaaber, Sælkeradreifingar og Ísam í dag. Starfsemi fyrirtækjanna hefur því legið niðri í allan dag.

Þetta kemur fram í tilkynningu um málið, þar sem segir að netöryggissveit Cert-is og lögreglu hefði verið tilkynnt um árásina. Teymi sérfræðinga, meðal annars frá netöryggisfyrirtækinu Syndis, vinni nú hörðum höndum að því að greina árásina og koma kerfum fyrirtækjanna í lag á nýjan leik.

„Árásin hefur valdið mikilli truflun á allri starfseminni og harma fyrirtækin að það hafi komið niður á viðskiptavinum þeirra en vona jafnframt að þeir sýni því skilning. Unnið er að því að gera kerfin starfhæf á ný sem allra fyrst,“ segir þá í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.