Handbolti

Topparnir í tölfræðinni á móti Noregi: Ómar Ingi átti orku í enn einn stórleikinn

Óskar Ófeigur Jónsson skrifar
Ómar Ingi Magnússon skoraði yfir tíu mörk í öðrum leiknum í röð.
Ómar Ingi Magnússon skoraði yfir tíu mörk í öðrum leiknum í röð. Getty/Sanjin Strukic

Ómar Ingi Magnússon og íslenska liðið gróf sig upp úr holu á móti geysisterku norsku liði en voru svo grátlega nálægt því að taka fimmta sætið.

Íslenska karlalandsliðið í handbolta tapaði með minnsta mun á móti Noregi, 33-34, í framlengdum leik um fimmta sætið á Evrópumeistaramótinu 2022 í Ungverjalandi og Slóvakíu.

Íslenska liðið vann upp fjögurra marka forskot Norðmanna í seinni hálfleiknum og var síðan ótrúlega nálægt að tryggja sér sigurinn í lok venjulegs leiktíma. Norðmenn lifðu á góðri byrjun og fjölda marka sinna úr seinni bylgju og hröðum sóknum.

Ómar Ingi Magnússon skoraði tíu mörk og átti alls þátt í fjórtán mörkum. Elvar Örn Jónsson átti stórkostlegan seinni hálfleik og Janus Daði Smárason var magnaður í lokin.

Íslenski sóknarleikurinn gaf þó eftir í byrjun leiks og það var sjáanlegur munur á einbeitingunni og minna um þann skynsama leik sem hefur skilað svo skilvirkum sóknum á mótinu.

Íslenska liðið gerði mörg klaufaleg mistök í upphafi leiks og var búið að tapa þremur boltum þegar Guðmundur Guðmundsson tók leikhlé í stöðunni 3-6.

Viktor Gísli Hallgrímsson hélt íslenska liðinu inn í leiknum með góðri markvörslu og íslenska liðið náði að minnka muninn niður í tvö mörk. Tvö vítaklúður og ódýr norsk mörk eftir sóknarfráköst sáu hins vegar til þess að Norðmenn voru fjórum mörkum yfir í hálfleik. Norðmenn náðu sjö fleiri skotum á mark í hálfleiknum og munaði mikið um það.

Íslenska liðið kom til baka og Elvar Örn Jónsson fékk síðan dauðafæri til að kóróna frábæran leik sinn en lokaskotið fór rétt fram hjá tómu markinu.

  • - Íslensku landsliðsmennirnir á móti Noregi á EM 2022 -
  • Hver skoraði mest:
  • 1.Ómar Ingi Magnússon 10/2
  • 2. Janus Daði Smárason 8
  • 3. Elvar Örn Jónsson 6
  • 4. Bjarki Már Elísson 5/2
  • 5. Sigvaldi Guðjónsson 2
  • --
  • Markahæstir í fyrri hálfleik:
  • 1. Janus Daði Smárason 3
  • 1. Ómar Ingi Magnússon 3
  • 1. Bjarki Már Elísson 3/2
  • --
  • Markahæstir í seinni hálfeik:
  • 1. Ómar Ingi Magnússon 7/2
  • 2. Janus Daði Smárason 5
  • 3. Elvar Örn Jónsson 5
  • --
  • Hver varði flest skot:
  • 1. Viktor Gísli Hallgrímsson 10/1 (28%)
  • 2. Ágúst Elí Björgvinsson 6 (46%)
  • --
  • Hver spilaði mest í leiknum:
  • 1. Bjarki Már Elísson 69:45
  • 2. Sigvaldi Guðjónsson 66:14
  • 3. Ómar Ingi Magnússon 60:40
  • 4. Ýmir Örn Gíslason 59:10
  • 5. Elvar Örn Jónsson 58:35
  • --
  • Hver skaut oftast á markið:
  • 1. Ómar Ingi Magnússon 13/3
  • 2. Janus Daði Smárason 12
  • 3. Elvar Örn Jónsson 7
  • 4. Bjarki Már Elísson 6/3
  • --
  • Hver gaf flestar stoðsendingar:
  • 1. Elvar Örn Jónsson 5
  • 2. Ómar Ingi Magnússon 4
  • 3. Janus Daði Smárason 3
  • 4. Ólafur Guðmundsson 2
  • 5. Viktor Gísli Hallgrímsson 1
  • --
  • Hver átti þátt í flestum mörkum:
  • 1. Ómar Ingi Magnússon 14
  • 2. Janus Daði Smárason 11
  • 2. Elvar Örn Jónsson 11
  • 4. Bjarki Már Elísson 5
  • 5. Ólafur Guðmundsson 3
  • --
  • Hver stoppaði oftast í vörninni (HB Statz):
  • 1. Elvar Örn Jónsson 7
  • 2. Ómar Ingi Magnússon 6
  • 3. Ólafur Guðmundsson 4
  • 3. Ýmir Örn Gíslason 4
  • 3. Elvar Ásgeirsson 4
  • --
  • Mörk skoruð í tómt mark
  • Ekkert
  • --
  • Hver tapaði boltanum oftast:
  • 1. Ómar Ingi Magnússon 3
  • 1. Janus Daði Smárason 3
  • 3. Elvar Örn Jónsson 2
  • 3. Ólafur Guðmundsson 2
  • --
  • Flest varin skot í vörn:
  • 1. Elvar Örn Jónsson 2
  • 2. Ómar Ingi Magnússon 1
  • --
  • Hver fiskaði flest víti:
  • 1. Janus Daði Smárason 3
  • 2. Elvar Örn Jónsson 1
  • 2. Ýmir Örn Gíslason 1
  • 2. Ómar Ingi Magnússon 1
  • --
  • Hæsta einkunn íslensku leikmannanna í sókn (HB Statz):
  • 1. Janus Daði Smárason 9,2
  • 2. Ómar Ingi Magnússon 9,1
  • 3. Elvar Örn Jónsson 8,8
  • 4. Bjarki Már Elísson 7,3
  • 5. Sigvaldi Guðjónsson 6,2
  • --
  • Hæsta einkunn íslensku leikmannanna í vörn (HB Statz):
  • 1. Elvar Örn Jónsson 8,9
  • 2. Ómar Ingi Magnússon 8,0
  • 3. Ýmir Örn Gíslason 6,9
  • 4. Ólafur Guðmundsson 6,7
  • 5. Elvar Ásgeirsson 6,4
  • --
  • - Hvaðan komu flest mörk íslenska liðsins í leiknum -
  • 13 með langskotum
  • 9 með gegnumbrotum
  • 4 úr vítum
  • 3 úr hraðaupphlaupum (2 með seinni bylgju)
  • 2 af línu
  • 2 úr hægra horni
  • 2 úr vinstra horni
  • --
  • - Plús & mínus kladdinn í leiknum -
  • Mörk með langskotum: Ísland +4
  • Mörk af línu: Noregur +5
  • Mörk úr hraðaupphlaupum: Noregur +6
  • Tapaðir boltar: Ísland +4
  • Fiskuð víti: Ísland +3
  • --
  • Varin skot markvarða: Ísland +3
  • Varin víti markvarða: Noregur +1
  • Misheppnuð skot: Noregur +7
  • Löglegar stöðvanir: Ísland +1
  • Refsimínútur: Jafnt
  • --
  • - Góðu og slæmu kaflarnir í leiknum -
  • Fyrri hálfleikurinn:
  • 1. til 10. mínúta: Noregur +2 (6-4)
  • 11. til 20. mínúta: Noregur +1 (5-4)
  • 21. til 30. mínúta: Noregur +1 (5-4)
  • Seinni hálfleikurinn:
  • 31. til 40. mínúta: Ísland +1 (6-5)
  • 41. til 50. mínúta: Ísland +2 (6-4)
  • 51. til 60. mínúta: Ísland +1 (3-2)
  • Framlenging:
  • Fyrri hluti: Jafnt (3-3)
  • Seinni hluti: Noregur +1 (4-3)
  • --
  • Byrjun hálfleikja: Noregur +1 (11-10)
  • Lok hálfleikja: Jafnt (7-7)
  • Fyrri hálfleikur: Noregur +4 (16-12)
  • Seinni hálfleikur: Ísland +4 (15-11)
  • Framlenging: Noregur 1 (7-6)

Tengdar fréttir

Guðmundur: Með ólíkindum hvað liðið hefur staðið sig stórkostlega

Guðmundur Guðmundsson, þjálfari íslenska karlalandsliðsins í handbolta, kvaðst afar stoltur af sínu liði eftir leikinn gegn Noregi um 5. sætið á EM í dag. Norðmenn unnu, 33-34, þökk sé flautumarki Haralds Reinkind og tryggðu sér þar með sæti á HM á næsta ári.

Fyrir­liðinn Ýmir Örn: Ég elska þessa stráka alveg út af lífinu

„Ég held bara að við höfum allir gefið allt sem við áttum í þetta mót. Hvað þá í dag. Þetta eru skrítnar tilfinningar,“ sagði Ýmir Örn Gíslason, fyrirliði Íslands, eftir einkar súrt eins marks gegn Noregi tap um 5. sætið á EM í handbolta í dag.

Ómar Ingi: Er loksins að spila af eðli­legri getu þó það sé margt hægt að bæta

„Ég held það sé alveg tía. Þetta var bara svekkjandi í dag, við börðumst og gáfum allt en þetta voru bara smáatriði í lokin,“ sagði Ómar Ingi Magnússon – ein af hetjum Íslands á Evrópumótinu í handbolta – um hversu þreyttir menn væru á skalanum 1-10 eftir allt sem íslenska liðið hefur gengið í gegnum.

Bjarki Már: Bjart­sýnn en svekktur að hafa ekki unnið í dag

Bjarki Már Elísson, ein af stjörnum íslenska landsliðsins í handbolta, var eðlilega mjög svekktur eftir súrt eins marks tap Íslands gegn Noregi í framlengdum leik um 5. sæti mótsins. Ekki nóg með að leikur dagsins hafi verið upp á 5. sæti Evrópumótsins heldur var sæti á HM í Póllandi og Svíþjóð á næsta ári í boði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.