Þeir sem hafa ekki séð þættina ætti í raun að hætta að lesa núna og skoða ekki myndskeiðið sem fylgir.

Eitt atriði vakti sérstaka athygli í þættinum og var það þegar lögreglubúningur og hárkolla finnst á heimili Salomons en vitni hefur talað um að ljóshærð lögreglukona væri að verki og morðinginn í plássinu. 

Það bendir í raun allt til þess að læknirinn sé sem leitað er að. Hér að neðan má sjá atriðið sjálft úr þættinum, þegar lögreglubúningurinn finnst í herbergi ömmu hans.

Í hlaðvarpinu Sandkorn ræða kvikmyndagerðarmaðurinn Baldvin Z og bíófíkillinn Tómas Valgeirsson fjórða þáttinn. Serían er meira en hálfnuð og nú fara hlutirnir að gerast. Í þættinum fara þeir vel yfir Salomon og Anítu og þeirra líf en bæði ólust þau upp við mikið ofbeldi. Aníta varð lögreglukona en hinn mögulega eitthvað mjög slæmt.

Púslin eru hægt og bítandi farin að smella saman á meðan fleiri spurningar raðast upp. Grímur falla, kúli er tapað og verða ‘mömmukomplexar’ allsráðandi en á þessu stigi í sögunni verður ekki aftur snúið. Til að bæta gráu ofan á svart er ömurlegasta pizzukvöld allra tíma í vændum á heimili Elínar. Nú eru það eitraðir sjarmörar og vafasamir mömmustrákar sem koma rakleiðis til umræðu hjá Tómasi og Baldvini, auk þess hvernig meira er í Fríðu og Ragnar spunnið en áður bar að geta. Tómas telur tilvísanir í Alfred Hitchcock vera þarna nokkrar skýrar og kemst ekki hjá því að ræða fyndnu fjarvistarsönnunina og leiktakta Kolbeins Arnbjörnssonar. Baldvin segir frá földum konfektmolum sögunnar, „föndurpitsu“ og rifjar einnig upp hvernig ferlið gekk fyrir sig að skjóta sjónvarpsseríu þegar COVID-faraldurinn var nýfarinn að herja á heimsbyggðina. Þetta ræða þeir og margt fleira.