1.080 greindust með kórónuveiruna innanlands

Atli Ísleifsson skrifar 17. janúar 2022 10:45

Um 48 þúsund manns hafa nú greinst með kórónuveiruna hér á landi frá upphafi faraldursins í febrúar 2020. Vísir/Vilhelm

1.080 greindust með kórónuveiruna innanlands í gær og 114 á landamærum.

Þetta kemur fram á síðunni covid.is. 54 prósent af sem greindust innanlands í gær voru í sóttkví við greiningu og 46 prósent utan sóttkvíar.

9.664 eru nú í einangrun vegna Covid-19 samanborið við 9.671 á föstudag þegar covid.is var síðast uppfærð. 12.044 eru nú í sóttkví, en voru 11.061 á föstudaginn. 770 eru nú í skimunarsóttkví.

4.129 einkennasýni voru greind í gær, 2.062 sóttkvíarsýni og 1.118 landamærasýni.

46 eru nú á sjúkrahúsi með Covid-19 og þar af sjö á gjörgæslu.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 4.210, en var 3.926 á föstudaginn. Nýgengi á smiti á landamærum er nú 483, samanborið við 492 á föstudaginn.

Alls hafa 48.482 manns greinst með kórónuveiruna hér á landi frá því faraldurinn hófst í lok febrúar á þarsíðasta ári. 44 hafa látist á Íslandi vegna COVID-19 frá upphafi faraldursins.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.