Lífið

Nýársbingó FM95BLÖ í beinni útsendingu í kvöld

Tinni Sveinsson skrifar
Auddi og Steindi eru klárir í bingó og lofa sturluðum vinningum.
Auddi og Steindi eru klárir í bingó og lofa sturluðum vinningum. Vísir

Nýársbingó FM95BLÖ fer fram í beinni útsendingu á Vísi og sjónvarpsstöðinni Stöð 2 Vísi klukkan 19.30. Svakalegir vinningar eru í boði. Sérstakir gestir verða Jóhanna Guðrún og Sverrir Bergmann, sem taka lagið.

Bingóstjórar eru Auddi og Steindi og lofa þeir miklu fjöri. Allir geta horft á útsendinguna en til þess að fá bingóspjöld þarf að gerast áskrifandi að hlaðvarpi þeirra félaga, Blökastinu. Það er gert með því að fara á fm95blo.is, gerast áskrifandi og smella svo á rauða bingótakkann.

Uppfært: Bingóið er búið en hægt er að horfa á upptöku af því hér fyrir neðan. Neðst í fréttinni má horfa á tónlistaratriðin með Sverri Bergmann, Jóhönnu Guðrúnu og Halldóri Gunnari Pálssyni.

Klippa: Nýársbingó FMBLÖ

Svakalegir vinningar

Fjöldi veglegra vinninga eru í boði fyrir þá sem eru svo heppnir að fá bingó. Þá helstu má sjá hér fyrir neðan.

  • Hundrað þúsund krónur frá Icelandair
  • Playstation 5 tölva
  • Samsung sími
  • Úlpa frá 66°Norður
  • Gleðikrónur Gleðipinna
  • Gisting í Greenhouse Hotel
  • Fjarþjálfun
  • Töflur við brjósklosi
  • Gamalt gos

Svona virkar þetta

Áskrifendur Blökastsins fá aðgang að hlekk með bingóinu og getur hver fjölskyldumeðlimur sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Ýttu á Bingó-takkann

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að kalla líka „BINGÓ!“

Eins og áður sagði má finna nánari upplýsingar á vef Tals hér á Vísi.

Klippa: Sverrir Bergmann - My Way

Klippa: Jóhanna Guðrún - Is It True?

Klippa: Jóhanna Guðrún og Sverrir Bergmann - Viðhengi hjartans





Fleiri fréttir

Sjá meira


×