Topparnir í tölfræðinni á móti Portúgal: Réðust á portúgölsku vörnina

Íslenska karlalandsliðið í handbolta vann sannfærandi fjögurra marka sigur á Portúgal, 28-24, í fyrsta leik sínum í B-riðli á Evrópumeistaramótinu 2022 í Ungverjalandi og Slóvakíu.

Það voru margir að spila vel og skila til liðsins í leiknum. Sóknarleikurinn gekk vel þar sem íslenska liðð réðst á portúgölsku vörnina og skoraði tíu mörk eftir gegnumbrot í leiknum.

Sigvaldi Guðjónsson skoraði fimm góð mörk og þeir Aron Pálmarsson og Ómar Ingi Magnússon bjuggu báðir til níu mörk með mörkum eða stoðsendingum.

Gísli Þorgeir Kristjánsson stýrði sóknarleiknum líka frábærlega og fór fyrir því leikskipulagi að ráðast á vörnina en hann skoraði fjögur mörk með gegnumbrotum í leiknum.

Viktor Gísli Hallgrímsson kom síðan inn með góða markvörslu seinni hluta leiksins sem sá til þess að sigurinn var aldrei í gættu.

Vísir fylgist vel með tölfræði íslenska liðsins á mótinu og hefur nú tekið saman þá leikmenn sem sköruðu fram úr í tölunum í þessum fyrsta leik Íslands á mótinu.

Hér fyrir neðan má sjá toppa íslenska liðsins í tölfræðinni.