Innlent

Kviknaði í tengi­vagni flutninga­bíls í Fljótum

Atli Ísleifsson skrifar
Frá vettvangi á Siglufjarðarvegi, nærri bænum Laugalandi í Fljótum, í morgun.
Frá vettvangi á Siglufjarðarvegi, nærri bænum Laugalandi í Fljótum, í morgun. Slökkvilið Fjallabyggðar

Slökkvilið Fjallabyggðar var kallað út eftir að eldur kom upp í tengivagni flutningabíls á Siglufjarðarvegi, nærri Laugalandi í Fljótum, skömmu eftir klukkan hálf átta í gærkvöldi.

Jóhann K. Jóhannsson, slökkviliðsstjóri í Fjallabyggð, segir að bílstjóri flutningabílsins hafi brugðist hárrétt við þegar hann varð var við eldinn, en verið var að flytja steinull og annað byggingarefni í bílnum.

„Fyrst reynir hann að slökkva, en þegar hann sér að það gengur ekki þá aftengir hann bílinn frá vagninum. Forðaði þannig bílnum frá tjóni. Þegar við mættum á staðinn er leiðindaveður, mjög hvasst, sem torveldaði allt slökkvistarf. Það tók talsverðan tíma að komast í eldsmatinn. Steinull brennur ekki, en allt í kringum hana brann – gólf vagnsins, timburverk í brettum og ýmislegt fleira,“ segir Jóhann.

Slökkvilið mætti svo aftur á svæðið í morgun og er nú unnið að því að ná steinullinni úr bílnum til að hægt sé að slökkva almennilega í glæðum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×