Innlent

1.191 greindist innan­lands í gær

Atli Ísleifsson skrifar
Um 41 þúsund manns hafa nú greinst með kórónuveiruna hér á landi frá upphafi faraldursins í febrúar fyrir tæpum tveimur árum.
Um 41 þúsund manns hafa nú greinst með kórónuveiruna hér á landi frá upphafi faraldursins í febrúar fyrir tæpum tveimur árum. Vísir/Vilhelm

1.191 greindist með kórónuveiruna innan­lands í gær samkvæmt bráðabirgðatölum frá almannavarnadeild ríkislögreglustjóra. 41 greindist á landamærum. 

Þetta kemur fram á síðunni covid.is. 10.326 eru nú í einangrun vegna Covid-19 samanborið við 10.040 í gær. 9.732 eru nú í sóttkví, en voru 10.037 í gær. 536 eru nú í skimunarsóttkví.

41 sjúklingur liggur nú inni á sjúkrahúsum með Covid-19. Sjö eru á gjörgæslu, sami fjöldi og í gær.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 3.874 , en var 3.752 í gær. Nýgengi á smiti á landamærum er nú 481, samanborið við 485 í gær.

Alls hafa 41.323 manns greinst með kórónuveiruna hér á landi frá því faraldurinn hófst í lok febrúar á síðasta ári. 43 hafa látist á Íslandi vegna Covid-19 frá upphafi faraldursins.

Fréttin hefur verið uppfærð.


Tengdar fréttir

39 nú á Land­spítala með Co­vid-19

39 sjúklingar liggja á Landspítala með Covid-19 og hefur þeim fjölgað um tvo síðan í gær. Sjö eru á gjörgæslu líkt og í gær og af þeim eru fjórir í öndunarvél. Eitt barn á fyrsta ári liggur inni vegna Covid-19.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×