Erlent

Koma á út­göngu­banni í fimm milljóna borg

Atli Ísleifsson og Gunnar Reynir Valþórsson skrifa
Sýnataka í kínversku stórborginni Anyang í Henan-héraði.
Sýnataka í kínversku stórborginni Anyang í Henan-héraði. Getty

Kínversk yfirvöld hafa nú gripið til útgöngubanns í þriðju borginni í röð á stuttum tíma. Ástæðan er útbreiðsla kórónuveirunnar í landinu og nú síðast voru það íbúar í Anyang í Henan-héraði sem þurftu að sætta sig við slíkar takmarkanir.

Um fimm og hálf milljón manna búa í borginni og þurfa nú um tuttugu milljónir manna í Kína að sæta slíku útgöngubanni. Áður hafði útgöngubanni verið komið á í borginni Xi‘an þar sem búa um þrettán milljónir manna og sömu sögu er að segja um íbúa Yuzhou þar sem búa um 1,1 milljón manna.

Ómíkronafbrigði kórónuveirunnar er nú að komast á flug í Kína í fyrsta sinn og því er gripið til þessara hörðu aðgerða.

Guardian segir frá því að 58 hafi greinst smitaðir af kórónuveirunni í Anyang í gær og hafa því alls 84 smit greinst í borginni síðan á laugardaginn.

Faraldur kórónuveiru (COVID-19) Kína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið