WHO hvetur fólk um allan heim til að aflýsa eða fresta jólaboðum

Hólmfríður Gísladóttir skrifar 21. desember 2021 07:56

Tedros Adhanom Ghebreyesus segir að taka þurfi erfiðar ákvarðanir til að vernda líf og heilsu. epa/Salvatore Di Nolfi

Alþjóðaheilbrigðismálastofnunin hvetur fólk um allan heim til að aflýsa eða fresta jólaboðum og öðrum mannfögnuðum til að stemma stigu við útbreiðslu ómíkron-afbrigðis kórónuveirunnar.

Yfirmaður stofnunarinnar, Tedros Ghebreyesus, segir að erfiðar ákvarðanir verði að taka til að vernda mannslíf. Ómíkron-afbrigðið er nú orðið ráðandi í faraldrinum í Bandaríkjunum og Ghebreyesus segir ljóst að það sé að dreifast mun hraðar en delta-afbrigðið.

Fjölmörg lönd hafa hert á samkomutakmörkunum síðustu daga og einna lengst hefur verið gengið í Hollandi þar sem fólki er sagt að halda sig heima.

Í tilkynningu frá Hvíta húsinu í Bandaríkjunum frá því gær kemur fram að Joe Biden forseti hafi ekki í hyggju að koma á útgöngubanni en Anthony Fauci sóttvarnalæknir hefur þó hvatt fólk til að draga úr ferðalögum um hátíðarnar til að stemma stigu við útbreiðslu faraldursins.

Fólk bíður í langri röð eftir að komast í sýnatöku í New York.AP/Seth Wenig

Faraldur kórónuveiru (COVID-19) Jól

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.