Menning

Listval opnaði sýningarrými í Hörpu

Sylvía Rut Sigfúsdóttir skrifar
Helga Björg Kjerúlf og Elísabet Alma Svendsen.
Helga Björg Kjerúlf og Elísabet Alma Svendsen. Anna Kristín Óskarsdóttir

Listval opnaði sýningarrými í Hörpu á laugardag og var fullt í rýminu alla helgina. Rými Listvals er á fyrstu hæð og sjást því litrík og falleg listaverk vel út um gluggana framan  á Hörpu. 

Starfsemi á jarðhæð Hörpu hefur tekið miklum breytingum síðastliðin misseri. Nýjasta viðbótin er þetta sýningarrými á vegum Listvals sem sérhæfir sig í myndlistarráðgjöf fyrir heimili, fyrirtæki og stofnanir. Á laugardag opnaði fyrsta sýning Listvals í Hörpu, Jólasýning Listvals, þar sem yfir 200 verk verða til sýnis og sölu eftir um 70 listamenn.

„Ætlunin er að skapa rýminu fallega og fágaða umgjörð í formi myndlistarsýninga og gallerís og veita gestum eftirminnilega upplifun og innsýn í það sem íslensk myndlist hefur uppá að bjóða. Við viljum skapa þægilegt andrúmsloft og hughrif fyrir gesti og gangandi. Gestir geta fengið ráðgjöf við val á verkum, fræðst um íslenska myndlist og skoðað bækur um myndlist. Þá ætlum við einnig að vera með viðburðadagskrá með uppákomum þar sem nýjum útgáfum og verkum verður fagnað.“ segir Elísabet Alma Svendsen stofnandi og annar eigandi Listvals.

Rými Listvals í Hörpu.Listval

„Breytingarnar sem gerðar hafa verið á þessu afmælisári Hörpu miða allar að því að starfsemi og þjónusta í húsinu rími vel við kjarnastarfsemina og laði til sín sem fjölbreyttastan hóp gesta. Harpa er fjölsóttasta viðburðahús landsins og það er því mikið tilhlökkunarefni að fá Listval inn með nýja vídd í upplifun og þjónustu við gesti,“ segir Svanhildur Konráðsdóttir forstjóri Hörpu.

Opnunartími Listvals í Hörpu verður alla daga frá 10-18.  Hægt er að fylgjast með Listval á instagram www.instagram.com/listval_ og skoða verk á www.listval.is.


Tengdar fréttir

Listval opnar nýtt sýningarrými á Granda

Listval, nýtt sýningarrými opnar á Hólmaslóð 6, laugardaginn 26. júní milli 16 og18 en það eru þær Elísabet Alma Svendsen og Helga Björg Kjerúlf sem standa á bakvið Listval.

Leið til að færa myndlistina nær fólki

Elísabet Alma Svendsen starfar við að aðstoða fólk og fyrirtæki við að velja myndlist. Hún fékk á dögunum þá hugmynd að kynna íslenska listamenn í gegnum Instagram.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.