Körfubolti

Ólafur Jónas: Úrslitin gefa ekki rétta mynd af leiknum

Andri Már Eggertsson skrifar
Ólafur Jónas var ánægður með sigur kvöldsins
Ólafur Jónas var ánægður með sigur kvöldsins Vísir/Bára Dröfn

Valur valtaði yfir Breiðablik í fjórða leikhluta og endaði á að vinna leikinn með 26 stigum 72-98. Ólafur Jónas Sigurðsson, þjálfari Vals, var afar ánægður með þriðja sigur Vals í röð.

„Úrslitin gefa ekki rétta mynd á hvernig leikurinn spilaðist. Sigurinn er það sem skiptir máli og þetta voru mikilvæg tvö stig,“ sagði Ólafur Jónas kátur með sigur í Smáranum.

 Ólafur var ánægður með vörn Vals í fjórða leikhluta eftir að hafa fengið á sig 26 stig í þriðja leikhluta. 

„Ég var ánægður með varnarleikinn í fjórða leikhluta. Breiðablik skoraði 26 stig í þriðja leikhluta og við ræddum um að taka til í okkar varnarleik sem gekk upp. Í síðasta fjórðungi  hættum við aldrei heldur keyrðum yfir þær.“

Valur hefur gert yfir 90 stig í síðustu þremur leikjum en Ólafi fannst það vera aukaatriði.

„Það breytir litlu að við höfum skorað yfir 90 stig í síðustu þremur leikjum. Ef varnarleikurinn er í lagi þá er ég sáttur. Ég hefði viljað halda Breiðabliki undir 70 stigum en maður fær ekki allt sem maður vill,“ sagði Ólafur Jónas að lokum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.