Óli Björn Kárason þingmaður var í gær gerður að þingflokksformanni Sjálfstæðisflokknum og Ingibjörg Ólöf Isaksen var gerð að formanni þingflokks Framsóknarflokksins.
Þetta var ákveðið á fundum þingflokkanna í gær þar sem tillögur um nýja ráðherra úr röðum flokkanna var kynnt.
Óli Björn, sem er þingmaður Suðvesturkjördæmis og hefur setið á þingi frá 2016, tekur við stöðunni af Birgi Ármannssyni sem er nýr forseti Alþingis.
Þórunn Egilsdóttir, sem lést síðasta sumar, var þingflokksformaður Framsóknar á síðasta kjörtímabili. Ingibjörg Ólöf, sem er 1. þingmaður Norðausturkjördæmis, hefur ekki setið á þingi áður.
Nýr stjórnarsáttmáli var kynntur, undirritaður og handsalaður á Kjarvalsstöðum í dag rúmum níu vikum eftir kosningar. Frá Kjarvalsstöðum lá leið á Bessastaði á fund forsetans þar sem sjö ráðherrar skiptu um ráðherrastóla.
„Ef maður er hættur að komast áfram, getur verið ágætt að stíga aðeins aftur á bak.“ Þetta sagði Bjarni Benediktsson, fjármálaráðherra og formaður Sjálfstæðisflokksins, um mögulegan hálendisþjóðgarð í ljósi þess að Sjálfstæðisflokkurinn væri að taka yfir umhverfisráðuneytið.
