„Kominn tími til að hann sé opinberaður“ Hallgerður Kolbrún E. Jónsdóttir skrifar 26. nóvember 2021 14:54 Bergþóra sakar Megas um að hafa brotið á sér kynferðislega og samið um það lag í kjölfarið. Vísir Kona, sem hefur sakað Megas um að hafa brotið á sér kynferðislega ásamt öðrum manni, segir lagið Litlu ljót eftir Megas fjalla um ofbeldið. Hún var tvítug þegar hún kynntist Megasi en hann sextugur. Bergþóra Einarsdóttir lýsir ofbeldinu í löngu og ítarlegu viðtali við Stundina sem birtist í morgun. Bergþóra segir í samtali við fréttastofu að eftir að viðtalið birtist hafi jákvæðum skilaboðum rignt yfir hana á samfélagsmiðlum. „Ég er aðeins búin að kíkja á Facebook og búin að fá skilaboð frá vinum og vandamönnum sem segja að þetta hafi verið flott hjá mér. Að ég hafi verið sterk að gera þetta og það sé kominn tími til að hann sé opinberaður. Fólk er stolt af mér að hafa þorað að gera þetta,“ segir Bergþóra í samtali við Vísi. Fram kemur í viðtalinu að Bergþóra hafi verið tvítug þegar hún kynntist tónlistarmanninum Magnúsi Þór Jónssyni, Megasi. Hún var að vinna á veitingastað í miðbæ Reykjavíkur, nýflutt að heiman og nýkomin úr sambandi árið 2004 þegar hún hitti Megas fyrst. Urðu fljótt trúnaðarvinir Bergþóra segir að Megas hafi sótt veitingastaðinn reglulega, setið þar löngum stundum og spjallað við hana um daginn og veginn, lífið, ástina. Allt á milli himins og jarðar. Þar hafi vinur hans, Gunnar Örn Jónsson verið yfirkokkur en Gunnar var í dúettnum Súkkat, sem myndaði Megasukk með Megasi. Fljótlega eftir að hún kynntist Megasi hafi þau verið orðnir trúnaðarvinir. „Hann kallaði mig Litlu ljót,“ segir Bergþóra í viðtali við Stundina. Bergþóra vann á veitingastað sem ræstitæknir og við uppvask en eitt kvöldið sumarið 2004, segist hún hafa verið kölluð inn á aukavakt af Gunnari. Bergþóra segist hafa mætt á staðinn en verið hissa yfir að hafa verið kölluð inn. Það væri lítið að gera á veitingastað og samstarfsmennirnir hafi líka rekið upp stór augu, það vantaði ekki aukamanneskju. „Eftirá að hyggja veit ég ekki hvort ég var kölluð út vegna misskilnings eða af ásettu ráði. Ég hef velt því fyrir mér,“ segir Bergþóra við Stundina. Bergþóra segir kvöldið hafa endað heima hjá Gunnari í Stórholtinu þar sem Megas var líka. Þeir hafi ætlað að spila þar saman tónlist en þegar í Stórholtið hafi verið komið hafi þeir hins vegar ekki farið að spilað tónlist heldur sest niður, rúllað jónu og fengið sér bjór. Þá hafi Bergþóru ekkert langað að vera þar lengur og ákveðið að drífa sig heim. Hún segir við Stundina að hún hafi ekki viljað biðja þá um að panta leigubíl, hún væri búin að stoppa svo stutt og vildi ekki vera með vesen. Hún hafi því ákveðið að ganga heim en hafi verið með hælsæri og spurt Gunnar hvort hann ætti plástur. Það hafi verið kveikjan að ofbeldinu. Munnvatn besta meðalið við opnu sári Hún segir að þá hafi Megas sagt henni að það besta fyrir sár væri munnvatn og stungið upp á að Gunnar sleikti sárið. Bergþóra segist ekki hafa þorað að segja nei. Í kjölfarið hafi Gunnar dregið buxurnar niður um hana þar sem hún lá í sófanum og hún frosið. Á sama tíma hafi Megas að hennar sögn sett klámspólu með taílenskum konum í tækið og farið að stunda sjálfsfróun yfir henni og yfir hárið á henni. Gunnar hafi borið á hana olíu, káfað á henni og stungið fingri í leggöng hennar. Þegar Gunnar hafi ætlað að ganga lengra hafi hún einhvern vegin náð að hrista hausinn, sem Megas hafi tekið eftir, og hann sagt við Gunnar að hún vildi þetta ekki. Sjálfur hafi Megas haldið sínum athöfnum áfram. „Þarna fattaði ég að þetta myndi ekki klárast fyrr en annar hvor þeirra myndi ljúka sér af kynferðislega og ég vildi losna einhvern vegin,“ segir Bergþóra við Stundina. Bergþóra segist telja að drykkjan og ofnæmistaflan hafi haft eitthvað með það að gera hver viðbrögð hennar voru. Sjálf hafi hún alltaf ímyndað sér að ef eitthvað kæmi fyrir hana myndi hún bregðast harðar við, sparka í punginn eða pissa á sig til að hrekja ofbeldismennina burt. Þarna hafi hún hins vegar bara frosið. Verið eins og „lifandi dauð“. Morguninn eftir hafi hún labbað heim og Megas fylgt henni. Við hafi tekið tímabil þar sem hún var ekki með sjálfri sér og loks hafi hún leitað til föður síns, sem hafi farið með henni upp á lögreglustöð til að tilkynna brotið. Fram kemur í frétt Stundarinnar að árið 2011 hafi Bergþóra farið aftur til lögreglu til að kanna hver staða málsins væri en þá hafi ekkert um það fundist í málaskrá lögreglu, LÖKE. Í framhaldinu hafi Bergþóra ákveðið að leggja fram formlega kæru. Sjö mánuðum síðar var málið fellt niður. Litla ljót En að laginu, Litlu ljót, sem Bergþóra segir byggða á árásinni. Bergþóra segir Megas hafa kallað sig Litlu ljót en ári eftir atvikið gaf Megasukk, hljómsveit Megasar og dúettsins Súkket, út lagið Hús datt. Meðal laga á plötunni er lagið Litla ljót sem fjallar greinilega um einhvers konar kynferðislegt atvik milli karlmanns og stúlku. Fyrsta versið í laginu hljómar svona: Komdu fljót litla ljót lasin ertu með fleiðraðan fót heppin stúlka að hitta mig ég er í hjálparsveitinni og sprauta þig Fyrir utan það að hafa kallað Bergþóru Litlu ljót segir hún að kvöldið sem atvikið átti sér stað hafi hún verið niðurlút, nýkomin úr sambandi og í ástarsorg. Megas og Gunnar hafi þá sagt henni að hafa engar áhyggjur, þeir væru í hjálparsveitinni og ætluðu að kæta hana. „Ég skildi það þannig að þeir ætluðu að vera til staðar fyrir mig sem vinir.“ Og áfram heldur lagið: l-í-ó-t liggðu flöt og krepptu hné, l-í-ó-t glenntu þig svo sem gleiðust sé ekki baun sárt leggstu alveg flöt og afslöppuð, það þarf ekki að gera meir göt græjaðu þig sem gleiðasta já uppá gátt ég sker bara á brókina nú kemur sprautustálið stinnt eins og stýriflaug enda óræk hint rennur smýgur alla leið inn og para inn í sjálfan pestar-sentralinn nú kemur serúmið séra ljót og svo enn og aftur þú ferð ekki á fót fyrr en orðin ertu vel hraust heyrirðu! Ekkert nema sprautur gamanlaust vanrækt ertu ljúfa löð langar engan vegintil þess að þú sért glöð þig vantar steinefni vesalings ljót það er jú völ á einu hart það er enn sem grjót Bergþóra segist hafa sagt Megasi og Gunnari til syndanna eftir að platan kom út, sem fékk dræmar viðtökur, og sagt þeim að þeir hafi sært sig. Hún hafi reynt að skýra fyrir þeim að það sem þeir gerðu hafi verið hræðilegt og hún hefði upplifað það sem alvarlegt brot gegn sér. „Ég frétti frá kunningjum mínum að þeir stæðu í þeirri trú að þetta væri allt í lagi. Ég get aldrei vitað fyrir víst hvort það sé rétt eða hvort það sé þeirra málsvörn, en ef það er rétt segir það kannski okkur eitthvað um þeirra ástand og siðferðisvitund á þessum tíma,“ segir Bergþóra við Stundina. Tölublað Stundarinnar. Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Óljóst hvort þyrlan sé fundin Erlent Þekkir dæmi um endalaus uppköst og garnalömun vegna lyfjanna Innlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Sjá meira
Bergþóra Einarsdóttir lýsir ofbeldinu í löngu og ítarlegu viðtali við Stundina sem birtist í morgun. Bergþóra segir í samtali við fréttastofu að eftir að viðtalið birtist hafi jákvæðum skilaboðum rignt yfir hana á samfélagsmiðlum. „Ég er aðeins búin að kíkja á Facebook og búin að fá skilaboð frá vinum og vandamönnum sem segja að þetta hafi verið flott hjá mér. Að ég hafi verið sterk að gera þetta og það sé kominn tími til að hann sé opinberaður. Fólk er stolt af mér að hafa þorað að gera þetta,“ segir Bergþóra í samtali við Vísi. Fram kemur í viðtalinu að Bergþóra hafi verið tvítug þegar hún kynntist tónlistarmanninum Magnúsi Þór Jónssyni, Megasi. Hún var að vinna á veitingastað í miðbæ Reykjavíkur, nýflutt að heiman og nýkomin úr sambandi árið 2004 þegar hún hitti Megas fyrst. Urðu fljótt trúnaðarvinir Bergþóra segir að Megas hafi sótt veitingastaðinn reglulega, setið þar löngum stundum og spjallað við hana um daginn og veginn, lífið, ástina. Allt á milli himins og jarðar. Þar hafi vinur hans, Gunnar Örn Jónsson verið yfirkokkur en Gunnar var í dúettnum Súkkat, sem myndaði Megasukk með Megasi. Fljótlega eftir að hún kynntist Megasi hafi þau verið orðnir trúnaðarvinir. „Hann kallaði mig Litlu ljót,“ segir Bergþóra í viðtali við Stundina. Bergþóra vann á veitingastað sem ræstitæknir og við uppvask en eitt kvöldið sumarið 2004, segist hún hafa verið kölluð inn á aukavakt af Gunnari. Bergþóra segist hafa mætt á staðinn en verið hissa yfir að hafa verið kölluð inn. Það væri lítið að gera á veitingastað og samstarfsmennirnir hafi líka rekið upp stór augu, það vantaði ekki aukamanneskju. „Eftirá að hyggja veit ég ekki hvort ég var kölluð út vegna misskilnings eða af ásettu ráði. Ég hef velt því fyrir mér,“ segir Bergþóra við Stundina. Bergþóra segir kvöldið hafa endað heima hjá Gunnari í Stórholtinu þar sem Megas var líka. Þeir hafi ætlað að spila þar saman tónlist en þegar í Stórholtið hafi verið komið hafi þeir hins vegar ekki farið að spilað tónlist heldur sest niður, rúllað jónu og fengið sér bjór. Þá hafi Bergþóru ekkert langað að vera þar lengur og ákveðið að drífa sig heim. Hún segir við Stundina að hún hafi ekki viljað biðja þá um að panta leigubíl, hún væri búin að stoppa svo stutt og vildi ekki vera með vesen. Hún hafi því ákveðið að ganga heim en hafi verið með hælsæri og spurt Gunnar hvort hann ætti plástur. Það hafi verið kveikjan að ofbeldinu. Munnvatn besta meðalið við opnu sári Hún segir að þá hafi Megas sagt henni að það besta fyrir sár væri munnvatn og stungið upp á að Gunnar sleikti sárið. Bergþóra segist ekki hafa þorað að segja nei. Í kjölfarið hafi Gunnar dregið buxurnar niður um hana þar sem hún lá í sófanum og hún frosið. Á sama tíma hafi Megas að hennar sögn sett klámspólu með taílenskum konum í tækið og farið að stunda sjálfsfróun yfir henni og yfir hárið á henni. Gunnar hafi borið á hana olíu, káfað á henni og stungið fingri í leggöng hennar. Þegar Gunnar hafi ætlað að ganga lengra hafi hún einhvern vegin náð að hrista hausinn, sem Megas hafi tekið eftir, og hann sagt við Gunnar að hún vildi þetta ekki. Sjálfur hafi Megas haldið sínum athöfnum áfram. „Þarna fattaði ég að þetta myndi ekki klárast fyrr en annar hvor þeirra myndi ljúka sér af kynferðislega og ég vildi losna einhvern vegin,“ segir Bergþóra við Stundina. Bergþóra segist telja að drykkjan og ofnæmistaflan hafi haft eitthvað með það að gera hver viðbrögð hennar voru. Sjálf hafi hún alltaf ímyndað sér að ef eitthvað kæmi fyrir hana myndi hún bregðast harðar við, sparka í punginn eða pissa á sig til að hrekja ofbeldismennina burt. Þarna hafi hún hins vegar bara frosið. Verið eins og „lifandi dauð“. Morguninn eftir hafi hún labbað heim og Megas fylgt henni. Við hafi tekið tímabil þar sem hún var ekki með sjálfri sér og loks hafi hún leitað til föður síns, sem hafi farið með henni upp á lögreglustöð til að tilkynna brotið. Fram kemur í frétt Stundarinnar að árið 2011 hafi Bergþóra farið aftur til lögreglu til að kanna hver staða málsins væri en þá hafi ekkert um það fundist í málaskrá lögreglu, LÖKE. Í framhaldinu hafi Bergþóra ákveðið að leggja fram formlega kæru. Sjö mánuðum síðar var málið fellt niður. Litla ljót En að laginu, Litlu ljót, sem Bergþóra segir byggða á árásinni. Bergþóra segir Megas hafa kallað sig Litlu ljót en ári eftir atvikið gaf Megasukk, hljómsveit Megasar og dúettsins Súkket, út lagið Hús datt. Meðal laga á plötunni er lagið Litla ljót sem fjallar greinilega um einhvers konar kynferðislegt atvik milli karlmanns og stúlku. Fyrsta versið í laginu hljómar svona: Komdu fljót litla ljót lasin ertu með fleiðraðan fót heppin stúlka að hitta mig ég er í hjálparsveitinni og sprauta þig Fyrir utan það að hafa kallað Bergþóru Litlu ljót segir hún að kvöldið sem atvikið átti sér stað hafi hún verið niðurlút, nýkomin úr sambandi og í ástarsorg. Megas og Gunnar hafi þá sagt henni að hafa engar áhyggjur, þeir væru í hjálparsveitinni og ætluðu að kæta hana. „Ég skildi það þannig að þeir ætluðu að vera til staðar fyrir mig sem vinir.“ Og áfram heldur lagið: l-í-ó-t liggðu flöt og krepptu hné, l-í-ó-t glenntu þig svo sem gleiðust sé ekki baun sárt leggstu alveg flöt og afslöppuð, það þarf ekki að gera meir göt græjaðu þig sem gleiðasta já uppá gátt ég sker bara á brókina nú kemur sprautustálið stinnt eins og stýriflaug enda óræk hint rennur smýgur alla leið inn og para inn í sjálfan pestar-sentralinn nú kemur serúmið séra ljót og svo enn og aftur þú ferð ekki á fót fyrr en orðin ertu vel hraust heyrirðu! Ekkert nema sprautur gamanlaust vanrækt ertu ljúfa löð langar engan vegintil þess að þú sért glöð þig vantar steinefni vesalings ljót það er jú völ á einu hart það er enn sem grjót Bergþóra segist hafa sagt Megasi og Gunnari til syndanna eftir að platan kom út, sem fékk dræmar viðtökur, og sagt þeim að þeir hafi sært sig. Hún hafi reynt að skýra fyrir þeim að það sem þeir gerðu hafi verið hræðilegt og hún hefði upplifað það sem alvarlegt brot gegn sér. „Ég frétti frá kunningjum mínum að þeir stæðu í þeirri trú að þetta væri allt í lagi. Ég get aldrei vitað fyrir víst hvort það sé rétt eða hvort það sé þeirra málsvörn, en ef það er rétt segir það kannski okkur eitthvað um þeirra ástand og siðferðisvitund á þessum tíma,“ segir Bergþóra við Stundina. Tölublað Stundarinnar.
Komdu fljót litla ljót lasin ertu með fleiðraðan fót heppin stúlka að hitta mig ég er í hjálparsveitinni og sprauta þig
l-í-ó-t liggðu flöt og krepptu hné, l-í-ó-t glenntu þig svo sem gleiðust sé ekki baun sárt leggstu alveg flöt og afslöppuð, það þarf ekki að gera meir göt græjaðu þig sem gleiðasta já uppá gátt ég sker bara á brókina nú kemur sprautustálið stinnt eins og stýriflaug enda óræk hint rennur smýgur alla leið inn og para inn í sjálfan pestar-sentralinn nú kemur serúmið séra ljót og svo enn og aftur þú ferð ekki á fót fyrr en orðin ertu vel hraust heyrirðu! Ekkert nema sprautur gamanlaust vanrækt ertu ljúfa löð langar engan vegintil þess að þú sért glöð þig vantar steinefni vesalings ljót það er jú völ á einu hart það er enn sem grjót
Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Óljóst hvort þyrlan sé fundin Erlent Þekkir dæmi um endalaus uppköst og garnalömun vegna lyfjanna Innlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Sjá meira