Íslandsbanki hækkar einnig vexti

Tryggvi Páll Tryggvason skrifar 26. nóvember 2021 13:02

Höfuðstöðvar Íslandsbanka eru í Norðurturninum í Kópavogi. Vísir/Vilhelm

Íslandsbanki hefur tilkynnt um breytingar á vöxtum í kjölfar vaxtaákvörunar Seðlabanka Íslands þegar stýrivextir voru hækkaðir um 0,5 prósentustig. Stóru bankarnir þrír hafa því allir tilkynnt um vaxtahækkun.

Breytingarnar hjá Íslandsbanka taka gildi þann 1. desember en breytilegir vextir óverðtryggðra húsnæðislána hækka um 0,20 prósentustig.

Fastir vextir óverðtryggðra húsnæðislána til 3 ára hækka um 0,20 prósentustig en fastir vextir óverðtryggðra húsnæðislána til 5 ára haldast óbreyttir.

Fastir vextir verðtryggðra húsnæðislána með vaxtaendurskoðun lækka um 0,45 prósentustig.

Breytilegir óverðtryggðir innlánsvextir hækka um allt að 0,50 prósentustig eða haldast óbreyttir, svo dæmi séu tekin en nánari upplýsingarnar um breytingarnar má sjá á vef bankans.

Landsbankinn reið á vaðið í kjölfar stýrivaxtahækkunar Seðlabankans og tilkynnti fyrstur stóru bankanna þriggja um vaxtahækkun. Arion banki kom næstur og nú hefur Íslandsbanki einnig fetað sömu slóð.

Athygli er þó vakin á því á vef Íslandsbanka að í kjölfar breytinganna verða fastir verðtryggðir húsnæðislánavextir bankans auk vextir óverðtryggðra breytilegra húsnæðislána þeir lægstu á meðal íslenskra banka.

Íslenskir bankar Húsnæðismál Verðlag Neytendur

Tengdar fréttir

Arion banki hækkar vextina

Arion banki hækkar breytilega vexti sína á óverðtryggðum íbúðalánum um 0,40 prósentustig. Þetta gerir bankinn í kjölfar ákvörðunar Seðlabankans þann 17. nóvember að hækka stýrivexti um 0,5 prósentur. Hækkunin tekur gildi á morgun.

25. nóvember 2021 14:31

Landsbankinn hækkar vexti

Landsbankinn hækkar breytilega vexti á óverðtryggðum íbúðalánum um 0,35 prósentustig í kjölfar vaxtaákvörðunar Seðlabankans.

24. nóvember 2021 17:25

Seðlabankinn hækkar stýrivexti um 0,5 prósentur

Peningastefnunefnd Seðlabanka Íslands hefur ákveðið að hækka vexti bankans um 0,5 prósentur. Meginvextir bankans, vextir á sjö daga bundnum innlánum, verða því tvö prósent.

17. nóvember 2021 08:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.