Skógareyðing í Brasilíu ekki verið meiri í fimmtán ár

Atli Ísleifsson skrifar 19. nóvember 2021 14:37

Skógareyðing í Brasilíu hefur aukist í forsetatíð Jair Bolsonaro sem hefur hvatt til aukins landbúnaðar og námuvinnslu í regnskógunum. Getty

Eyðing brasilísku regnskóganna hefur ekki verið meiri í heil fimmtán ár samkvæmt opinberum gögnum þar í landi.

Í nýrri skýrslu brasilísku geimvísindastofnunarinnar segir að skógareyðing í landinu hafi aukist um heil 22 prósent á einu ári.

Brasilía var í hópi þeirra ríkja sem hétu því að binda endi á skógareyðingu og snúa við þróuninni fyrir árið 2030 á nýafstaðinni loftslagsráðstefnu Sameinuðu þjóðanna sem fram fór í Glasgow á dögunum.

Í frétt BBC segir að í Amasón séu vistarverur rúmlega þriggja milljóna plöntu- og dýrategunda, auk þess að þar búa um milljón frumbyggja. Einnig séu skógarnir mikilvæg kolefnisgeymsla og er mikilvægur liður í að hægja á loftslagsbreytingum.

Á tímabilinu 2020 til 2021 hafa 13.235 ferkílómetrar af skóglendi verið eyddir í Brasilíu og er samanlagt svæði það stærsta frá árinu 2006.

Skógareyðing hefur aukist í forsetatíð Jair Bolsonaro sem hefur hvatt til aukins landbúnaðar og námuvinnslu í regnskógunum.

Brasilía Loftslagsmál

Tengdar fréttir

Brasilía á meðal þeirra ríkja sem heita því að stöðva skógareyðingu

Rúmlega hundrað þjóðarleiðtogar ætla að skrifa undir loforð um stöðvun skógareyðingar fyrir árið 2030 og uppgræðslu skóga. Þetta er fyrsti stóri samningurinn sem gerður er á COP26 loftslagsráðstefnunni sem nú fer fram í Glasgow.

2. nóvember 2021 07:18

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.