Spotify kaupir hljóðbókaveitu

Findaway dreifir hljóðbókum og býður upp á streymi undir vörumerkinu Findaway Voices. Fyrirtækið hefur einnig sérhæft sig í því að tengja saman bókahöfunda og upplesara, sem gæti reynst öflug tekjulind fyrir Spotify. The Verge segir frá.

Nir Zacherman, yfirmaður hljóðbókasviðs hjá Spotify, segir að kaupin munu gera fyrirtækinu kleift að bæta inn sérstakri hljóðbókaskrá á Spotify. Neytendur geti þannig í raun fengið allt hljóðefni sem þá dreymir um á einum stað.

Innrás Spotify á hljóðbókamarkaðinn heldur því áfram en risinn gerði samkomulag við hljóðbókaveituna Storytel fyrr á þessu ári.