Innlent

Reiknað með tíu þúsund gestum á Hellu

Magnús Hlynur Hreiðarsson skrifar
Landsmótið á Hellu fer fram dagana 4. til 10. júlí sumarið 2022.
Landsmótið á Hellu fer fram dagana 4. til 10. júlí sumarið 2022. Magnús Hlynur Hreiðarsson

Hestamenn eru nú þegar farnir að undirbúa sig og láta sér hlakka til fyrir landsmóti hestamanna, sem haldið verður á Hellu næsta sumar. Það átti að vera landsmót síðasta sumar en því var frestað vegna Covid. Reiknað er með tíu þúsund gestum á mótið á Hellu.

Það er mikil tilhlökkun hjá hestamönnum og áhugafólki um íslenska hestinn fyrir landsmótinu á Hellu, sem fer fram dagana 4. til 10. júlí sumarið 2022. Nú þegar er hafin miðasala í forsölu á mótið.

Ágúst Sigurðsson, sveitarstjóri Rangárþings ytra, segir allan undirbúning fyrir mótið á Hellu ganga mjög vel.

„Já, við heimafólk erum auðvitað spennt fyrir því og styðjum það með ráð og dáð að það verði og heppnist vel. Það stefnir í risa mót og mikil stemming er fyrir því. Menn reikna með því að fá hérna tíu þúsund manns í það minnsta í júlímánuði á næsta ári í heimsókn. Það verður haldið hér glæsilegt mót á ég von á.“

Ágúst Sigurðsson, sveitarstjóri Rangárþings ytra, sem segir mekka íslenskrar hestamennsku vera í Rangárvallasýslu.Aðsend

Ágúst segir mjög mikilvægt fyrir sveitarfélagið og fyrirtæki á svæðinu að fá landsmótið á Hellu.

„Jú, jú, það er það og síðan er það náttúrlega bara þannig að talandi um hestamennsku að þá er mekka íslenskra hestamennsku hér á þessu svæði. Hér eru flestir atvinnumennirnir, stærstu ræktunarbúin og mér liggur við að segja bestu hestarnir, ég held ég geti bara haldið því fram og mikið að gerast, þannig að það er eðlilegt að menn séu spenntir fyrir landsmóti hér á þessu svæði,“ segir Ágúst.

Miðasala er nú þegar hafin á landsmótið

Mikil spenna og áhugi er fyrir landsmótinu á Hellu í júlí 2022.Magnús Hlynur Hreiðarsson


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.