Segir á­lagið mikið á meðan mála­halinn er unninn upp í Lands­rétti

Sigurður Örn segir frá þessu í samtali við Fréttablaðið og sömu sögu segir Her­vör Lilja Þor­valds­dóttir, for­seti Lands­réttar. Hervör segir dóminn þó halda í við þau mál sem koma inn.

Sigurður Örn segir í samtali við blaðið að boðunar­frestur aðal­með­ferða sé orðinn mjög skammur og að slíkt geti valdið lögmönnum vandræðum þar sem þeir ráða ekki dagsetningunum og verði að skipuleggja sig í kringum þær. 

Hann bendir einnig á að almennt taki of langan tíma að taka málsgögn úr héraðsdómi saman í svokallaða dómsgerð þegar máli er áfrýjað til Landsréttar.

Mál á borði Landsréttar fóru að safnast upp skömmu eftir stofnun réttarins, þegar dómsmálaráðherra skipaði fimmtán dómara en þrír þeirra fóru svo í leyfi vegna Landsréttarmálsins svokallaða.

Lögmannafélagið fundaði með Dómstólasýslunni í gær um álagið og segir Sigurður Örn í samtali við blaðið að fundurinn hafi gengið vel.