„Pabbi vill meina að hann sé að senda mér skilaboð í gegnum hausinn“ Óskar Ófeigur Jónsson skrifar 27. október 2021 09:01 Einar Þorsteinn Ólafsson í hraðaupphlaupi í leik með Valsliðinu. Vísir/Hulda Margrét Einar Þorsteinn Ólafsson var í gær valinn í fyrsta skiptið í íslenska A-landsliðið í handbolta en Guðmundur Guðmundsson valdi hann í tuttugu manna æfingahóp sinn sem mun hittast í byrjun næsta mánaðar. Einar er sonur goðsagnarinnar Ólafs Stefánssonar en þessi ungi leikmaður hefur heillað marga með frammistöðu sinni með Íslands- og bikarmeisturum Vals. Einar Þorsteinn sló fyrst í gegn með Valsliðinu á síðustu leiktíð og er í dag einn okkar efnilegasti leikmaður í handboltanum. „Það hefur alltaf verið markmiðið að komast í landsliðið og fá að æfa með þessum gæjum. Markmið var samt að komast þangað eftir nokkur ár en ég er mjög glaður að fá sjensinn svona snemma að fá að æfa með þeim,“ sagði Einar Þorsteinn Ólafsson í samtali við Guðjón Guðmundsson sem hitti þennan tvítuga handboltamann á Hlíðarenda í gær. Klippa: Gaupi ræddi við Einar Þorstein Ólafsson Einar er búinn að spila gríðarlega vel með Valsliðinu undanfarið ár en Gaupi vildi frá að vita hver væri lykillinn að því. „Ég held að lykillinn að því sé bæði Snorri að ná að nýta mig svona vel en svo líka liðsfélagarnir sem ná oft að redda mér. Það er þægilegt að geta stigið út úr vörninni eins og ég geri, af því að ég veit að ég get treyst á Þorgils og Lexa til að bakka mig upp,“ sagði Einar. Við pabbi höfum alveg rætt þetta En hefur hann stefnt að landsliðsætinu í nokkur ár? „Við pabbi höfum alveg rætt þetta en ég veit ekki hversu gamall hann var þegar hann komst inn í landsliðið. Ég er alla vega mjög ánægður að fá sjensinn svona snemma. Vonandi fæ ég eitthvað að vera með á æfingum og læra af þessum gæjum,“ sagði Einar. Hann vill ekkert tala um hvað tekur við á næstu árum. Einar Þorsteinn Ólafsson er líka góður sendingamaður.Vísir/Elín Björg „Ég er ekki kominn svo langt að hugsa um framtíðina hjá mér. Ég er að hugsa um Stjörnuleikinn eftir nokkra daga. Ef ég byrja að hugsa of langt þá gleymi maður því sem maður á að vera hugsa um núna. Það er bara að æfa, borða og spila vel,“ sagði Einar sem hefur lagt mikið á sig á síðustu árum. „Ég er bæði búinn að æfa handboltann og svo fór ég yfir í körfuboltann líka. Ég myndi segja alveg að ég hafi staðið mig vel síðustu ár að reyna að æfa mig sem mest og vera fjölbreyttur á æfingum. Ég er að reyna að lyfta en það tók mig nokkur ár hvað það er mikilvægt að lyfta. Þegar ég var tólf til þrettán ára þá var ég ekkert að pæla í því að fara í lyftingarsal. Þetta vonandi gerist allt bara hægt og rólega,“ sagði Einar. Að gera það sama í dag og hann lærði í körfuboltanum Einar hefur góðan grunn úr körfubolta og þakkar fyrir þá reynslu. Einar Þorsteinn Ólafsson spilar oftast fremst í vörninni og truflar þar mikið sóknarleik mótherjanna.Vísir/Daníel Þór „Það er bara út af því að ég mætt á svo margar æfingar þar í tvö til þrjú ár. Ég var með svo frábæra þjálfara eins og Gústa (Ágúst Björgvinsson) og Finn (Frey Stefánsson) sem er núna körfuboltaþjálfarinn hjá Val. Þeir kenndu mér svo ógeðslega mikið og þá var ég eiginlega að gera það sama og ég er að gera í handbolta í dag, að spila vörn og keyra svo upp. Að finna menn, varnarstaðsetningar og lesa leikinn og svoleiðis,“ sagði Einar. Gaupa finnst Einar geta bætt sig í sóknarleiknum og strákurinn er sammála því. „Já alveg verulega. Ég á svo mikið eftir líkamlega og pabbi er ennþá að reyna að kenna mér svo margt sóknarlega, hluti sem ég hef ekki einu sinni heyrt um áður. Vonandi gerist það bara með tímanum. Ég þarf að æfa skotin. Motoki og Bjöggi eru nánast með mig í vasanum á æfingum og vonandi læri ég það með tímanum hvenær ég á að skjóta, hvenær ég á að senda og hvenær ég á að finta,“ sagði Einar. Bara óhappa ef þau mæta ekki Ólafur Stefánsson er á öllum leikjum hjá stráknum og Gaupi hefur tekið eftir því að hann er svolítið stressaður á leikjum. „Hann er stressaðri en ég get ég sagt þér. Hann mætir á alla leiki en systur mínar og mamma mín mæta líka á alla leiki. Það er frábært að hafa þau með. Þau mættu ekki á einn leik og það var örugglega versti leikurinn minn á tímabilinu og eftir það hafa þau alltaf mætt á leikina mína. Ég held að það sé bara óhappa ef þau mæta ekki,“ sagði Einar. Pabbinn stressaður upp í stúku Hann fær huglæg skilaboð frá föður sínum í leikjum sínum. „Pabbi vill meina að hann sé að senda mér skilaboð í gegnum hausinn og ég held að það virki hjá honum og hjálpi mér. Vonandi hjálpar það mér,“ sagði Einar og Ólafur Stefánsson ætti að þekkja leikinn upp á tíu eftir ótrúlegan og magnaðan handboltaferil sinn. Ólafur Stefánsson átti sjálfur magnaðan feril. Hér er hann á árunum með Rhein Neckar Löwen.Getty/Lars Baron „Hann er með nokkur ár að baki í handboltanum og smá reynslu. Hann segir samt að hann sé stressaðri að horfa á leikina en þegar hann var að spila sjálfur. Ég veit ekki hvaðan það kemur en ég held að það sé bara gott fyrir hann að vita aðeins hvernig það er að horfa á leikinn og sjá mig spila,“ sagði Einar. Það má sjá allt spjall hans við Guðjón Guðmundsson, Gaupa, hér fyrir ofan. Olís-deild karla Valur EM karla í handbolta 2022 Mest lesið Tveir nítján ára handteknir fyrir nauðgun Enski boltinn Bergrós aftur best í heimi og fjögur frá Íslandi í undanúrslitum Sport Slapp við rautt þrátt fyrir fólskubrot: „Einhver þarf að útskýra þetta fyrir mér“ Enski boltinn „Ég hefði bara átt að taka leikhlé“ Handbolti Fyllir Slot upp í tómarúmið sem Klopp skilur eftir sig? Enski boltinn Segir sína menn ekki verðskulda Evrópusæti Enski boltinn Þjálfari hljóp inn á, var rekinn út af og reyndi að faðma dómara Fótbolti Ungir strákar þarna úti sem gætu spilað á HM á Íslandi Handbolti Ótrúlegur lækningamáttur í dalnum vekur furðu Íslenski boltinn Tevez fluttur á spítala vegna brjóstverkja Fótbolti Fleiri fréttir Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Sjá meira
Einar er sonur goðsagnarinnar Ólafs Stefánssonar en þessi ungi leikmaður hefur heillað marga með frammistöðu sinni með Íslands- og bikarmeisturum Vals. Einar Þorsteinn sló fyrst í gegn með Valsliðinu á síðustu leiktíð og er í dag einn okkar efnilegasti leikmaður í handboltanum. „Það hefur alltaf verið markmiðið að komast í landsliðið og fá að æfa með þessum gæjum. Markmið var samt að komast þangað eftir nokkur ár en ég er mjög glaður að fá sjensinn svona snemma að fá að æfa með þeim,“ sagði Einar Þorsteinn Ólafsson í samtali við Guðjón Guðmundsson sem hitti þennan tvítuga handboltamann á Hlíðarenda í gær. Klippa: Gaupi ræddi við Einar Þorstein Ólafsson Einar er búinn að spila gríðarlega vel með Valsliðinu undanfarið ár en Gaupi vildi frá að vita hver væri lykillinn að því. „Ég held að lykillinn að því sé bæði Snorri að ná að nýta mig svona vel en svo líka liðsfélagarnir sem ná oft að redda mér. Það er þægilegt að geta stigið út úr vörninni eins og ég geri, af því að ég veit að ég get treyst á Þorgils og Lexa til að bakka mig upp,“ sagði Einar. Við pabbi höfum alveg rætt þetta En hefur hann stefnt að landsliðsætinu í nokkur ár? „Við pabbi höfum alveg rætt þetta en ég veit ekki hversu gamall hann var þegar hann komst inn í landsliðið. Ég er alla vega mjög ánægður að fá sjensinn svona snemma. Vonandi fæ ég eitthvað að vera með á æfingum og læra af þessum gæjum,“ sagði Einar. Hann vill ekkert tala um hvað tekur við á næstu árum. Einar Þorsteinn Ólafsson er líka góður sendingamaður.Vísir/Elín Björg „Ég er ekki kominn svo langt að hugsa um framtíðina hjá mér. Ég er að hugsa um Stjörnuleikinn eftir nokkra daga. Ef ég byrja að hugsa of langt þá gleymi maður því sem maður á að vera hugsa um núna. Það er bara að æfa, borða og spila vel,“ sagði Einar sem hefur lagt mikið á sig á síðustu árum. „Ég er bæði búinn að æfa handboltann og svo fór ég yfir í körfuboltann líka. Ég myndi segja alveg að ég hafi staðið mig vel síðustu ár að reyna að æfa mig sem mest og vera fjölbreyttur á æfingum. Ég er að reyna að lyfta en það tók mig nokkur ár hvað það er mikilvægt að lyfta. Þegar ég var tólf til þrettán ára þá var ég ekkert að pæla í því að fara í lyftingarsal. Þetta vonandi gerist allt bara hægt og rólega,“ sagði Einar. Að gera það sama í dag og hann lærði í körfuboltanum Einar hefur góðan grunn úr körfubolta og þakkar fyrir þá reynslu. Einar Þorsteinn Ólafsson spilar oftast fremst í vörninni og truflar þar mikið sóknarleik mótherjanna.Vísir/Daníel Þór „Það er bara út af því að ég mætt á svo margar æfingar þar í tvö til þrjú ár. Ég var með svo frábæra þjálfara eins og Gústa (Ágúst Björgvinsson) og Finn (Frey Stefánsson) sem er núna körfuboltaþjálfarinn hjá Val. Þeir kenndu mér svo ógeðslega mikið og þá var ég eiginlega að gera það sama og ég er að gera í handbolta í dag, að spila vörn og keyra svo upp. Að finna menn, varnarstaðsetningar og lesa leikinn og svoleiðis,“ sagði Einar. Gaupa finnst Einar geta bætt sig í sóknarleiknum og strákurinn er sammála því. „Já alveg verulega. Ég á svo mikið eftir líkamlega og pabbi er ennþá að reyna að kenna mér svo margt sóknarlega, hluti sem ég hef ekki einu sinni heyrt um áður. Vonandi gerist það bara með tímanum. Ég þarf að æfa skotin. Motoki og Bjöggi eru nánast með mig í vasanum á æfingum og vonandi læri ég það með tímanum hvenær ég á að skjóta, hvenær ég á að senda og hvenær ég á að finta,“ sagði Einar. Bara óhappa ef þau mæta ekki Ólafur Stefánsson er á öllum leikjum hjá stráknum og Gaupi hefur tekið eftir því að hann er svolítið stressaður á leikjum. „Hann er stressaðri en ég get ég sagt þér. Hann mætir á alla leiki en systur mínar og mamma mín mæta líka á alla leiki. Það er frábært að hafa þau með. Þau mættu ekki á einn leik og það var örugglega versti leikurinn minn á tímabilinu og eftir það hafa þau alltaf mætt á leikina mína. Ég held að það sé bara óhappa ef þau mæta ekki,“ sagði Einar. Pabbinn stressaður upp í stúku Hann fær huglæg skilaboð frá föður sínum í leikjum sínum. „Pabbi vill meina að hann sé að senda mér skilaboð í gegnum hausinn og ég held að það virki hjá honum og hjálpi mér. Vonandi hjálpar það mér,“ sagði Einar og Ólafur Stefánsson ætti að þekkja leikinn upp á tíu eftir ótrúlegan og magnaðan handboltaferil sinn. Ólafur Stefánsson átti sjálfur magnaðan feril. Hér er hann á árunum með Rhein Neckar Löwen.Getty/Lars Baron „Hann er með nokkur ár að baki í handboltanum og smá reynslu. Hann segir samt að hann sé stressaðri að horfa á leikina en þegar hann var að spila sjálfur. Ég veit ekki hvaðan það kemur en ég held að það sé bara gott fyrir hann að vita aðeins hvernig það er að horfa á leikinn og sjá mig spila,“ sagði Einar. Það má sjá allt spjall hans við Guðjón Guðmundsson, Gaupa, hér fyrir ofan.
Olís-deild karla Valur EM karla í handbolta 2022 Mest lesið Tveir nítján ára handteknir fyrir nauðgun Enski boltinn Bergrós aftur best í heimi og fjögur frá Íslandi í undanúrslitum Sport Slapp við rautt þrátt fyrir fólskubrot: „Einhver þarf að útskýra þetta fyrir mér“ Enski boltinn „Ég hefði bara átt að taka leikhlé“ Handbolti Fyllir Slot upp í tómarúmið sem Klopp skilur eftir sig? Enski boltinn Segir sína menn ekki verðskulda Evrópusæti Enski boltinn Þjálfari hljóp inn á, var rekinn út af og reyndi að faðma dómara Fótbolti Ungir strákar þarna úti sem gætu spilað á HM á Íslandi Handbolti Ótrúlegur lækningamáttur í dalnum vekur furðu Íslenski boltinn Tevez fluttur á spítala vegna brjóstverkja Fótbolti Fleiri fréttir Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Sjá meira