Erlent

Fjögurra ára neyðar­á­standi loks af­létt í Egypta­landi

Atli Ísleifsson skrifar
Abd al-Fattah al-Sisi, forseti Egyptalands, segir Egyptaland nú orðið vin öryggis og stöðugleika í heimshlutanum þökk sé hins stórkostlega fólks í landinu og trúrra manna.
Abd al-Fattah al-Sisi, forseti Egyptalands, segir Egyptaland nú orðið vin öryggis og stöðugleika í heimshlutanum þökk sé hins stórkostlega fólks í landinu og trúrra manna. EPA

Stjórnvöld í Egyptalandi hafa loks aflétt því neyðarástandi sem hefur verið í gildi í landinu í fjögur ár. Neyðarástandi var lýst yfir eftir hryðjuverkaárásir á tvær koptískar kirkjur í landinu árið 2017.

Abd al-Fattah al-Sisi, forseti Egyptalands, greindi frá þessu í gær. „Egyptaland hefur orðið vin öryggis og stöðugleika í heimshlutanum þökk sé hins stórkostlega fólks og trúrra manna. Ég hef því ákveðið að framlengja ekki því neyðarástandi sem ríkir í landinu,“ sagði al-Sisi á landinu.

Árásirnar á koptísku kirkjurnar voru gerðar í apríl 2017, en alls fórust 45 manns í árásunum. Koptíska kirkjan er stærsta kristna kirkjan þar í landi og voru það hryðjuverkasamtökin Ríki íslams sem lýsti yfir ábyrgð á árásunum.

Neyðarástandið hefur meðal annars falið í sér auknar heimildir til lögreglu og skerðingar á funda- og tjáningarfrelsi Egypta.

Egyptar hafa um árabil átt í stríði við íslamista með tengsl við Ríki íslams, sér í lagi á norðurhluta Sinaiskaga og svo í eyðimörkinni í Líbíu.

Mannréttindasamtök hafa mörg sagt egypsk stjórnvöld hafa nýtt sér neyðarástandið í landinu til að þagga niður í stjórnarandstæðingum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.