Card, Angrist og Imbens fá Nóbelinn í hag­fræði

Card fær verðlaunin fyrir empírískar rannsóknir sínar á hagfræði vinnumarkaðar, en þeir Angrist og Imbens fyrir aðferðafræðilegt framlag sitt til greiningar á orsakasambandi.

Verðlaunin teljast strangt til tekið ekki til Nóbelsverðlauna enda eru verðlaunin ekki komin frá Alfred Nobel sjálfum. Verðlaunin hafa verið veitt frá árinu 1969 og er almennt talað um þau sem hluta af Nóbelsverðlaununum.

Bandarísku hagfræðingarnir Paul R. Milgrom og Robert B. Wilson deildu með sér Nóbelsverðlaununum í hagfræði á síðasta ári. Verðlaunin fengu þeir fyrir rannsóknir sínar og þróun á uppboðskenningunni svokölluðu og hvernig uppboð í hverskyns mynd hafa áhrif á daglegt líf almennings.